Ardhi na Maliasili

MAJUKUMU YA IDARA YA ARDHI NA MALIASILI

Kwa ujumla majukumu ya Idara ya Ardhi, Maliasili na Mazingira ni ya kutoa huduma za kitaalam na ushauri kwa wakazi wa eneo la Halmashauri ya Wilaya ya Itigi, wananchi wengine wa Tanzania na wawekezaji mbalimbali kutoka ndani na nje ya nchi ya Tanzania.

Majukumu hayo ni kama ifuatavyo:

Kupanga, Kupima na kumilikisha maeneo ya matumizi mbalimbali ya Ardhi kama vile matumizi ya viwanja, taasisi mbalimbali, kilimo, malisho, makazi, wanyamapori nk.

Kutoa elimu ya juu ya sera na sheria mbalimbali kuhusu masuala ya Ardhi, makazi, wanyamapori, na misitu ili wananchi wazielewe na kuzizingatia wanapopanga na kutekeleza mipango yao ya maendeleo

Kudhibiti na kushauri uendelezaji wa maeneo mbalimbali ya Ardhi unaokwenda kinyume cha sheria na taratibu zinazohusika.

Kudhibiti uvunaji holela wa maliasili mbalimbali kama vile misitu na wanyamapori.

Kulinda na kuendeleza ustawi wa wanyamapori kwa kutoa leseni za kuwezesha uwindaji endelevu ili shughuli za uwindaji na upigaji picha wa kitalii ziwe endelevu.

Kukuza na kuainisha vivutio mbalimbali vya utalii ndani ya eneo la Halmashauri ya Wilaya.