History

Halmashauri ya Wilaya ya Itigi ilianzishwa tarehe 25/09/2015 kwa Tangazo la Serikali (GN.Na 433B) ya mwaka 2015,

Halmashauri hii iligawanywa kutoka Halmashauri Mama ya Manyoni.

Uamuzi wa kuanzisha Halmashauri hii ulitokana na Halmashauri ya  Wilaya ya Manyoni kuwa Kubwa sana na hivyo kuathiri utoaji wa huduma kwa wananchi na hivyo kulikuwa na umuhimu wa kuigawa ili kusogeza huduma za wananchi kwa Karibu zaidi.

Halmashauri ya Wilaya ya Itigi ina Jimbo moja la Uchaguzi ambalo Itigi,Tarafa ni Moja, Kata 13, vijiji 39 na vitongoji 175.

Shughuli kuu za Kiuchumi za wananchi ni Kilimo cha mazao ya Chakula na biashara, ufugaji wa ng'ombe,mbuzi ,kondoo,Kuku, ufugaji wa nyuki, uchimbaji wa Madini ya Jasi.

Sehemu kubwa ya Halmashauri ya Wilaya ya Itigi ni Hifadhi ya Wanyama ya Kizigo/Muhesi/Rungwa ambapo uwindaji wa Kitalii hufanyika.

Kwa upande wa Mipaka, kwa upande wa Mashariki inapakana na Halmashauri ya Wilaya ya Manyoni, Magharibi Halmashauri ya Wilaya ya Sikonge na Uyui Mkoa wa Tabora, Kaskazini Halmashauri ya Wilaya ya Ikungi na Kusini inapakana na Chunya, Mkoa wa Mbeya.