Ukaguzi wa Ndani

WASIFU WA KITENGO CHA UKAGUZI WA NDANI

Utangulizi 
Mkaguzi wa Ndani amepewa Mamlaka ya Kisheria ya kufanya ukaguzi kupitia kifungu Na. 45 (1) cha Sheria ya Fedha za Serikali ya Mitaa Na. 9 ya mwaka 1982 (iliyorekebishwa 2000), Agizo Na. 14 (7) la Memoranda ya Fedha ya Serikali ya Mitaa ya mwaka 2009, Kifungu Na. 30 cha Sheria ya Manunuzi ya mwaka 2011 pamoja na kanuni zake za mwaka 2013 na kufuata Viwango vya Kimataifa vya Ukaguzi wa Ndani (IPPF) vilivyotolewa na Shirikisho la Wakaguzi wa Ndani na Viwango vingine vinavyotumika.

Kitengo cha Ukaguzi wa Ndani kina jukumu la kutoa ushauri ili kusaidia Idara zingine ndani ya Halmashauri kutekeleza majukumu yao kwa ufanisi.

Madhumuni ya Kitengo
Kitengo cha Ukaguzi wa Ndani kinawajibu wa kufanya ukaguzi juu ya utekelezaji wa majukumu ya Halmashauri pamoja na usimamizi wa rasilimali za Halmashauri na kutoa ushauri kwa Afisa Masuuli unaolenga kuboresha huduma za Halmashauri ili kufikia Malengo yaliyopangwa.

Muundo wa Kitengo 
Kitengo kinaongozwa na Mkaguzi Mkuu wa Ndani akisaidiwa na Wakaguzi wa Ndani. Kitengo cha Ukaguzi wa Ndani kina mkaguzi mmoja kwa sasa.

Majukumu ya Kitengo cha Ukaguzi wa Ndani.
Kitengo cha Ukaguzi wa Ndani kina wajibu wa Kufanya ukaguzi na kutoa taarifa ya kila robo mwaka.kwa Afisa Masuuli na Kamati ya Ukaguzi ya Halmashauri. Kitengo kina majukumu yafuatayo:-

• Kupitia, kuhakiki na kuifanyia majaribio mifumo mbalimbali ya udhibiti wa ndani ya Halmashauri (“Internal Control Systems”) na kutoa ushauri kwa Afisa Masuuli juu ya uboreshaji wake.
• Kupitia, kuhakiki na kuifanyia majaribio mifumo ya kujikinga dhidi ya vihatarishi ndani ya Halmashauri (Institutional Risk Management).
• Kupitia, kuhakiki na kutoa taarifa juu ya ukusanyaji wa maduhuli ya Halmashauri.
• Kupitia na kutoa taarifa juu ya matumizi ya fedha za umma ndani ya Halmashauri..
• Kupanga na kufanya ukaguzi kwa kuzingatia maeneo yenye vihatarishi vitakavyasababisha kutokufikia malengo ya Halmashauri (High Risk Areas).
• Kusaidia Uongozi na Menejimenti ya Halmashauri kuboresha utendaji ili malengo yaweze kufikiwa kwa kutoa ushauri mbalimbali kama inavyohitajika.
• Kupitia kanuni, sheria na taratibu mbalimbali zilizowekwa na Serikali na kutoa ushauri juu ya utekelezaji wake.
• Kukagua na kutoa ushauri kwa Afisa Masuuli juu ya matumizi, utunzaji na usimamizi wa rasilimali zote za Halmashauri.
• Kazi nyingine zinazoelekezwa na Afisa Masuuli.