DC MANYONI APIGA MARUFUKU UKATAJI WA VICHAKA VYA ITIGI

Tarehe ya Kuwekwa: November 1st, 2024

• 
  

  
  

  
  

  
  

  
  

  Mkuu wa Wilaya ya Manyoni Dkt.Vicent Mashinji amepiga marufuku ukataji wa uoto wa asili wa vichaka vya Itigi kwa kuwa uoto huo una uwezo mkubwa wa kuondoa kaboni kwenye hewa na unaweza kutumika kama chanzo cha mapato ya halmashauri
  
  Hayo ameyasema katika mkutano wa baraza la Madiwani wa robo ya pili na kutoa maelekezo kuwa kila Kijiji lazima kiweke akiba ya misitu ikiwa ni pamoja na kuhifadhi vichaka vya itigi
  
  Naye Mwenyekiti wa Halmashauri ya Wilaya Itigi Mhe.Hussein Simba amesema kwa robo ya kwanza yam waka wa fedha 2024-2025 halmashauri imekusanya imekusanya mapato kwa asilimia hamsini huku akibainisha siri ya mafanikio hayo kuwa ni ushirikiano mzuri uliopo kati ya Wataalamu pamoja na Madiwani
  
  Aidha Mhe.Simba amesisitiza usimamizi wa miradi ya maendeleo inayotekelezwa katika maeneo mbalimbali ya halmashauri ili iweze kukamilika na kuleta tija kwa jamii
  
  Kwa upande wake Katibu Tawala Msaidizi kwa upande wa Viwanda,Biashara na Uwekezaji Mkoa wa Singida Bi.Donatila Vedast ameitaka halmashauri kutenga maeneo na kuweka mazingira rafiki kwa ajili uwekezaji hasa katika eneo la kilimo ili kuharakisha maendeleo ya halmashauri
  
  Hata hivyo Afisa Tawala Wilaya ya Manyoni Leila Sawe amesisitiza ukamilishaji wa miradi viporo ili ianze kutumika.
  
  Pia Kaimu Mwenyekiuti wa Halmashauri ya Wilaya ya Itigi Mhe.Jonathan Dule ameipongeza halmashauri kwa kuvunja rekodi ya ukusanayaji wa mapato kwa zaidi ya asilimia hamsini katika kipindi cha robo ya kwanza ya mwaka wa fedha 2024-2025