DC.LWOTA AZINDUA MAADHIMISHO WIKI YA CHANJO ITIGI DC

Tarehe ya Kuwekwa: April 25th, 2023

Mkuu wa Wilaya ya Manyoni Mhe.Kemilembe Lwota amesema mpango wa dunia ifikapo mwaka 2030 ni kuwa  magonjwa ya surua ,pepopunda na polio yawe yamedhibitiwa huku akisisitiza kuwa jambo hilo litafanikiwa endapo jamii itahamasika kuwapeleka watoto kupata chanjo

Akizungumza katika uzinduzi wa wiki ya chanjo Duniani ambayo kwa wilaya ya Manyoni imefanyika katika Halmashauri ya Itigi na kuongeza kuwa Maadhimisho hayo yanalenga jamii kutambua umuhimu wa chanjo katika kukinga milipuko ya magonjwa yanayoweza kusababisha ulemavu n ahata vifo.

Amesema takwimu zinaonesha kuwa wanaowaathirika  Zaidi na magonjwa yanayoazuilika kwa chanjo ni watoto wenye umri wa chini ya miaka mitano.

Aidha  Dc Lwota amewapongeza wananchi wa Itigi kwa mwitikio mkubwa kujitokeza katika maadhimisho hayo hata hivyo amesisitiza kutolewa kwa elimu ya mara kwa mara kwa jamii juu ya umuhimu wa watoto na pia watu wazima kukamilisha chanjo za magonjwa mbalimbali.

Amefafanua kuwa changamoto kubwa inayoikabili jamii kuhusu huduma ya chanjo ni kutokukamilisha dozi za chanjo pamoja na kutofuata ratiba ya utoaji wa chanjo.

Mhe.Lwota pia amemshukuru Rais wa Jmhuri ya Muungano wa Tanzania kwa kuendelea kutoa fedha nyingi ili kuimarisha huduma za Aafya ngazi ya Msingi nchini ikiwa ni pamoja na kutilia mkazo mapambano dhidi ya magonjwa yanayweza kuzuilika kwa chanjo.

Maadhimisho ya Wiki ya Chanjo Duniani mwaka huu yamebeba kauli mbiu inayosema “Tuwafikie Wote kwa Chanjo” huku Ujumbe ukiwa ni  “Jamii iliyopata Chanjo,Jamii yenye Afya’.