DUKA BUBU LA DAWA MUHIMU ZA BINADAMU LAFUNGIWA

Tarehe ya Kuwekwa: July 15th, 2024

Mganga Mkuu wa Halmashauri ya Wilaya ya Itigi Dkt.Emmanuel Mallange amelifunga duka moja la dawa muhimiu katika Kitongoji cha Kashamawele lililokuwa likitoa huduma kinyume cha sheria

Duka bubu hilo linalomilikiwa na mtu mmoja aambaye jina lake halikupatikana baada ya kusikia ujio wa wakaguzi hao na kutoroka limekua likitoa huduma bila kusajiliwa

Dkt.Mallange amesema kuwa duka hilo limekutwa na dawa ambazo hazitakiwi kuuzwa dukani ikiwa ni Pamoja na dawa za usingizi sambamba na dawa zilizo pita muda wake wa matumizi.

Aidha Mallange ameongeza kuwa mbali na kuuza dawa mtu huyo amekuwa akijitambulisha kwa wananchi kuwa yeye ni daktari na amekuwa akitoa huduma mbalimbali upasuaji mdogo na kulaza wagonjwa

Hata hivyo Dkt.Mallange ameutaka uongozi wa Kitongoji cha Kashamawele kumtafuta mtu huyo aliyekimbia na kumfikisha katika ofisi ya Mganga Mkuu wa Halmashauri ya Wilaya ya Itigi ili hatua stahiki ziweze kuchukuliwa.

Akizungumza na wananchi D.M.O amewataka waache Kwenda kupata huduma katika duka hilo bubu kwa kuwea ni hatari kwa afya zao