ELIMU KWA WANAFUNZI WA SHULE YA SEKONDARI ITIGI MAJENGO JUU YA UMUHIMU WA MAZINGIRA

Tarehe ya Kuwekwa: May 31st, 2025

Wanafunzi wa Shule ya Sekondari Itigi Majengo wamepatiwa mafunzo kuhusu umuhimu wa kutunza mazingira, ikiwa ni sehemu ya maadhimisho ya Siku ya Mazingira Duniani yanayofanyika Kila tarehe 5 Juni

Mafunzo hayo yamehusisha mada mbalimbali kuhusu ulinzi wa mazingira, usafi, na madhara ya uchafuzi wa mazingira kwa afya ya binadamu.

Mafunzo hayo yametolewa na Afisa Afya Ndg @lyambogomalembo kwa kushirikiana na Maafisa Mazingira Ndg. Placidia Pancreas na Ndg Shaun Ponela , ambapo wanafunzi walielimishwa kuhusu njia bora za kuhifadhi mazingira kupitia matumizi sahihi ya taka, kupanda miti, na kuhimiza tabia ya usafi katika maeneo ya shule na jamii kwa ujumla.

Viongozi hao waliwahamasisha wanafunzi kuwa mabalozi wa mazingira katika familia na maeneo yao.

Kupitia elimu hiyo, wanafunzi wamepata uelewa mpana juu ya nafasi yao katika kulinda mazingira, huku wakiahidi kuwa sehemu ya mabadiliko chanya ya kimazingira katika @itigi_dc

Maadhimisho hayo yamebeba kaulimbiu ya mwaka huu: "Komesha uchafuzi wa Mazingira unaochangiwa na Taka Plastiki"