ELIMU YA HEDHI SALAMA KWA WANAFUNZI WA SHULE YA SEKONDARI MITUNDU

Tarehe ya Kuwekwa: May 30th, 2025

Wanafunzi wa Shule ya Sekondari Mitundu, Wilaya ya Itigi, jana walishiriki mafunzo juu ya hedhi salama yaliyoendeshwa na shirika la Action Against Hunger kwa kushirikiana na Shirika la SEMA. Mafunzo haya yalilenga kuwajengea uelewa wanafunzi wote – wa kiume na wa kike – kuhusu umuhimu wa kuelewa mzunguko wa hedhi, afya ya uzazi, na namna ya kuondoa unyanyapaa unaohusiana na hedhi katika jamii.

Kupitia mijadala na mawasilisho ya wazi, wanafunzi walifundishwa kuhusu mbinu salama za kujisitiri, umuhimu wa usafi wa mwili, na jinsi jamii nzima – bila kujali jinsia – inavyopaswa kushiriki katika kusaidia watoto wa kike kujiamini na kuendelea na masomo bila vikwazo. Ushirikishwaji wa wavulana katika elimu hii ni hatua muhimu katika kukuza usawa wa kijinsia na mshikamano shuleni.

Viongozi wa shule wamepongeza juhudi hizo, wakisisitiza kuwa uelewa wa pamoja kati ya wanafunzi wote ni msingi wa kuondoa mitazamo potofu na kukuza mazingira salama ya kujifunzia. Mashirika yaliyohusika yameahidi kuendelea kushirikiana na shule hiyo pamoja na nyingine ili kufanikisha mabadiliko chanya katika jamii