HALMASHAURI YA ITIGI YAENDELEA KUFANYA VIZURI UKUSANYAJI MAPATO

Posted on: November 4th, 2022

Mwenyekiti wa halmashauri ya wilaya ya Itigi Mhe. Hussei Simba amesema kuwa halmshauri imeendelea kufanya vizuri katika ukusanyaji wa mapato ambapo  katika mwaka wa fedha 2022/2023 imekadiria kukusanya kiasi cha shilingi 24,767,979,000.00 ikiwa ni sawa na asilimia 9.2.

Mhe.Simba ameseka hayo katika kikao cha Baraza la madiwani la halmashauri ya Itigi lililofanyika tarehe 02/11/2022na kueleza kuwa mafanikio hayo yanatokana na jitihada za ubunifu wa vyanzo vya mapato, usimamizi katika ukusanyaji na ushirikiano mzuri uliopo baina ya wataalamu katika ofisi ya Mkurugenzi Mtendaji na Madiwani kutoka kata zote 13 za halmashauri ya Itigi.

Hata hivyo Mwenyekiti huyo amesisitiza suala la kuwalipa kwa wakati stahili zao wakusanyaji wa mapato ili kuondoa  malalamiko  na kusababisha wakusanyaji hao wa mapato kuingiwa na tamaa ya kutumia fedha walizo kusanya na kupelekea upotevu wa mapato kwa halmashauri.

Mhe Kedmon Mpondo,Diwani kata ya Ipande,Mhe.Magreth Mwalwayo, diwani kata ya Majengo na Mhe.Ali Minja  pia wameunga mkono swala hilo na kusisitiza kuwa tayari wameshalifanyia kazi wao kama madiwani na kuwahakikishia wakusanyaji wa mapato kuwa waendelee kuchapa kazi.

Kwa upande wake Makamu wa Mwenyekiti wa halmashauri hiyo Mh.Jonathan Dulle amesisitiza kuwa msimu wa kilimo umekaribia hivyo ameshauri kuwa katika maeneo yasiyo na maafisa ugani basi ni vema watendaji wa vijiji na kata pamoja na maafisa elimu wa kata kuhusika moja kwa moja katika kuwasajili wakulima ili waweze kunufaika na ruzuku ya mbolea iliyotolewa na Rais wa Jamhuri ya Muungano wa Tanzania  Mhe.Samia Suluhu Hassan .