H'W ITIGI YAPONGEZWA UKUSANYAJI MAPATO

Tarehe ya Kuwekwa: September 8th, 2022

Mwenyekiti wa Halmashauri ya Wilaya ya Itigi Mhesimiwa Hussein Simba  ametoa wito kwa Madiwani kushirikiana na timu ya wataalamu wa halmashauri usimamiza na utekeleza wa miradi mbalimbali katika Kata zao.

Mh.Simba  ametoa wito huo kwenye mkutanao wa baraza la madiwani kilichofanyika  septemba 8,2022 katika ukumbi wa mikutano wa halmashauri hiyo na kusisitiza kuwa madiwani wanawajibu wa kusimamia na kufuatilia kila hatua za utekelezaji wa miradi ya maendeleo katika maeneo yao .

Aidha Mh. Simba ametaja baadhi ya mafanikio yaliyofikiwa na halmashauri hiyo ikiwa ni pamoja na utekelezaji wa miradi ya maendeleo ambapo amesema kuwa halmashauri imefanikiwa kutekeleza  ujenzi wanyumba vya  madarasa kwa shule za msingi 147 vyenye thamani ya zaidi ya shilingi Bil.2,vyumba vya madarasa kwa shule za sekondari 29 kwa zaidi ya Sh. Bil.8 pamoja na miradi mingine ikiwemo ya Afya ,Maji,na miundombinu ya barabara ikiwa ni pamoja na ujenzi wa barabara  katika maji wa Itigi yenye urefu wa km.10 kwa kiwango cha lami unaoendelea  wenye thamani ya zaidi y ash.Bil.8.

Hata hivyo Mwenyekiti huyo amempongeza  Mkurugenzi Mtendajia wa Halmashauri pamoja na timu yak e sambamba na Madiwani kwa kushirikiana katika ukusanyaji wa mapato ambapo mpaka sasa inakadiriwa kukusanya zaidi ya bilioni 1,sawa na asilimia 81.na kufanikiwa kupata HATI SAFI.

Katika hatua nyingine Mwenyekiti Simba amemtangaza Diwani wa Kata ya Mwamagembe Mh.Jonathan Dulle Hemed kuwa makamu wa Mwenyekiti wa Halmashauri kwa awamu ya pili  katika uchaguzi uliofanyika siku hiyo na kuibuka na ushindi kwa kura za ndio 18.

Nae Mkurugenzi Mtendaji wa halmashauri ya Itigi Bw.John Mgalula amesema halmshauri yake imejipanga kutatua kero kwa wanachi ikiwemo uvamizi wa wanyama pori aina ya tembo katika mashamba yao kwa kushirikiana na Idara husika  huku akiwataka wanachi kuchukua tahadhari  dhidi ya wanyama hao.

Bwana Mgalula ameongeza  kuwa Halmashauri yake pia inaandaa utaratibu wa kutembelea  miradi mbalimbali kwa kushirikiana na Kitengo cha Teknolojia ya Habari(TEHAMA) pamoja na vyombo vingine vya habari ili kuwafikishia wananchi taarifa mbalimbali za maendeleo katika Halmashauri yao.

Mwisho