KAMATI YA LISHE YAJADILI UPATIKANAJI WA CHAKULA SHULENI

Tarehe ya Kuwekwa: April 23rd, 2023

Kamati ya Lishe ya halmashauri ya Wilaya ya Itigi  imekutana  na kufanya kikao cha kisheria cha kutathmini hali ya Lishe katika halmashauri hiyo huku ajenda ya upatikanaji wa chakula  kwa wanafunzi ikichukua nafasi kubwa

Akizungumza katika ufungzi wa kikao Mwenyekiti wa Kikao hicho Suzana Mushi ambaye ni Afisa Maendelo ya Jamii (W) amesema wadau wa Lishe katika halmashauri pamoja na Idara mtambuka wanapaswa kuzingatia na kukipa kipaumbele kikao cha kamati hiyo ili kujadili namna bora ya kuisaidia jamii kuwa na afya njema  ili waweze kuwa na tija katika Taifa.

Amesema  jamii isiyo zingatia lishe nzuri haina afya njema na kupelekea kutumia muda wao mwingi  pamoja na raslimali fedha katika kuhangaikia afya zao hivyo  wadau wote wa lishe katika halmashauri wanapaswa kutambua wajibu wao katika kutoa elimu na hamasa  juu ya masuala ya chakula na lishe kwa jamii.

Nae Mganga Mkuu wa halmashauri ya Wilaya ya Itigi Dkt. Emmanuel Mallange amewaomba wajumbe wa Kamati hiyo kutoa mawazo yao juu ya namna wanaweza kuboresha zoezi la utoaji wa chakula chenye lishe kwa wanafunzi pamoja na kuhamasisha upatikanaji wa chakula kwa wanafunzi kwa shule ambazo bado  hazijaanza kutekeleza mpango huo.