KAMATI YA SIASA CCM MKOA YAKAGUA MIRADI ITIGI DC

Posted on: February 17th, 2023

Kamati ya Siasa ya Mkoa wa Singida Imefanya ziara ya kutembelea miradi mbalmbali ya maendeleo katika halmashauri ya Wilaya ya Itigi na kuridhishwa nakasi ya utekelezaji wake

Akizungumza baada ya kupokea taarifa za miradi hiyo ,Mwenyekiti wa Kamati ya Siasa wa CCM mkoa Mh. Martha Mlata amesema amefurahishwa na kasi pamoja na ubora wa utekelezaji wa miradi katika halmashauri ya Itigi

Amesema Serikali ya Jamhuri ya Muungano wa Tanzania kupitia Rais Dkt Samia Suluhu Hassani imewekeza fedha nyingi ili kutekeleza miradi mbalimbali ya maendeleo nchi nzima ikiwemo halmashauri ya Itigi hivyo ni lazima kuwepo na usimamizi makini ili kuhakikisha miradi hiyo inakamilika kwa wakati na viwango na kuleta tija kwa wananchi.

Aidha amewataka viongozi wa halmashauri kubaini changamoto zinazoweza kujitokeza na kuzitafutia majibu mapema ili kuepusha miradi kutokamilika kwa wakati

Akitolea ufafanuzi wa hoja ya Mwenyekiti wa CCM wilaya ya Manyoni Bwana Ismail Makanda kuwa TFS haishirikiani na taasisi nyingine katika utekelezaji wa majukumu ya serikali amesema kuwa TFS ni chombo cha serikali hivyo hakuna namna yoyote kinaweza kukwamisha utekelezaji wa miradi kwa kuzuia vifaa vya ujenzi kama milango ,madirisha huku akisisitiza kuwa halmashauri ionane na maafisa wa tfs ili kupata maelekezo na utaratibu unaofaa ili kujenga mahusiano maziri.

Kwa upande wake Mkurugenzi Mtendaji wa Halmashauri ya Itigi Ndg. John Mgalula amesema kwa upande wa Halmashauri imetenga Shilingi milioni hamsinii kwa ajili ya kukamilisha mradi wa ujenzi wa wa zahanati ya Mabondeni huku Mwenyekiti wa halmashauri Mh. Hussein Simba akiongeza kwa halmashauri imejipanga kuhakikisha mradi unakamilika kwa wakati kwa kuwa fedha ipo pamoja na vifaa vingine vya ujenzi.

Kamati ya Siasa ya mkoa imekagua miradi miwili katika halmashauri ya Itigi ukiwemo mradi wa maji katika kijiji cha Njirii na zahanati katika kijiji cha Mabondeni.