KAMATI YA SIASA WILAYA YA MANYONI YAIPA KONGOLE ITIGI DC UTEKELEZAJI MIRADI

Tarehe ya Kuwekwa: August 28th, 2024

Kamati ta Siasa ya Wilaya ya Manyoni imeridhishwa na utekelezaji wa Miradi ya maendeleo katika Halmashauri ya Itigi

Akiongea wakati wa ziara ya ukaguzi wa miradi Mwenyekiti wa Kamati hiyo Ndg.Jumanne Makanda amesema miradi yote ambayo kamati imetembelea inatekelezwa kwa ubora unaolingana na thamani halisi ya fedha zilizotolewa.

Hata hivyo Makanda ametoa msisitizo kwa kamati zote zinazo simamia ujenzi wa miradi kushirikiana Pamoja ili kurahisisha utekelezaji wa miradi kwa viwango vya ubora ili kuleta tija kwa jamii

Kwa upande wake Mkuu wa Wilaya ya Manyoni Mhe.Vincent Mashinji ameipongeza Halmashauri ya Wilaya ya Itigi kwa kuwa na taarifa sahihi za miradi inayotekelezwa huku akisisitiza miradi kukamilika kwa wakati ili ianze kutumika.

Naye Mkurugenzi Mtendaji wa Halmashauri ya Wilaya ya Itigi Ndg. Ayoub Kambi amesema amepokea maelekezo na ushauri kutoka kwa Kamati na kuahidi kufanyia kazi ikiwa ni Pamoja na kuhakikisha miradi inakamilika kwa wakati na kuanza kutumika

Kamati ya Siasa ya Wilaya ya Manyoni imetembelea na kukagua miradi sita ikiwa ni Pamoja na Ukamilishaji wa Maabara ya biolojia na chumba kimoja cha darasa katika shule ya sekondari ya Kamenyanga,chumba kimoja cha darasa katika shule ya msingi Gurungu,Hosteli ya wanafunzi wenye mahitaji maalumu katika shule ya msingi Mlowa,madarasa mawili katika shule kongwe ya msingi Itigi Mjini Pamoja na chumba kimoja cha darasa katika shule ya sekondari Handu.