KAMPENI YA CHANJO YA POLIO AWAMU YA TATU KUANZA SEPT 1-4/2022

Tarehe ya Kuwekwa: August 31st, 2022

Kaimu mkuu wa Wilaya ya Manyoni Bw. Suleimani Mwenda ameitaka kamati ya msingi ya Afya ngazi ya jamiikuishauri serikali kuhusu njia bora za kutatua changamotozinazoikabili sekta ya afya katika kutoa huduma kwa jamii.

DC Mwenda amesema hayo katika kikao cha tathimini ya zoezi la kampeni ya chanjo ya polio ya awamu ya pili iliyofanyika mei 18 -21/2022 ili kubaini na kuainisha changamoto zilizojitokeza na kuzipatia ufumbuzi kuelekea zoezi la kampeni ya chanjo ya polio ya awamu ya tatu itakayoanza septemba 1-4/2022.

Pia amesisitiza juu ya ajenda ya  Mkoa kuhusu kila mwanachi kuhakikisha anakuwa na Bima ya Afya iliyoboreshwa(CHF)na kuongeza kuwa Kamati ya msingi ya afya wanawajibu wa kutoa elimu na hamasa kwa jamii kuhusu umuhimu wa kila mwanachi kuwa na Bima ya afya.

Kwa upande wake Mganga mkuu wa halmashauri ya Itigi Dkt Emmanuel Mallange amesema kuwa Kampeni ya chanjo ya polio ya awamu ya pili ilifanikiwa kwa asilimia 140 huku akiiomba kamati ya msingi ya afya ngazi ya jamii kuendelea kuhamasisha jamii ili iweze kushiriki  kikamilifu katika kampeni ya chanjo hiyo ya awamu ya tatu.

Awali akitoa taarifa ya kampeni ya chanjo awamu ya pili na mikakati ya utekelezaji katika kampeni ya chanjo awamu ya tatu ,Mratibu wa chanjo wa Halmashauri ya Itigi Bw. Maige Minyanyasai amesema kuwa lengo la kampeni hii ni kwafikia watoto wote wenye umri chini ya miaka mitano na kuwapatia chanjo sanjari na kutoa elimu kwa jamii kuhusu ugonjwa wa polio na madhara yake.