Madiwani Itigi wamtaka Mganga Mkuu kuwachukulia wauguzi wazembe hatua

Tarehe ya Kuwekwa: April 9th, 2019

Waheshimiwa madiwani wa halmashauri wamemtaka Mganga Mkuu Dr Robert Manyerere kuwachukulia wauguzi hatua mara moja za kinidhamu.  Azimo hilo limetolewa leo kwenye Kikao cha kamati ya Elimu , Afya na Maji Baada ya Mh Diwani kata ya Ipande Hamisi Mwinje kutoa Malalamiko kwenye kikao hicho

Hamisi Mwinje alikiambia kikao kuwa Wauguzi wamekuwa hawatumii taaluma zao ipasavyo katika kutoa huduma na kupelekea  Malalamiko kwa Wananchi.  Hata hivyo Mh Mwinje aliomba kuwa badala ya kuwahamisha vituo wauguzi au watumishi ambao wanaonesha udhaifu katika utendaji wao kazi ni vema wakaadhibiwa katika maeneo yao kwanza badala ya kuwahamisha vituo ambapo unakuwa hutibu tatizo

Mganga Mkuu Akijibu Hoja hizo amesema kuwa tayari ofisi yake imeshaanza kuchukua Hatua mbalimbali, kwa watumishi ambao wanalalamikiwa na Wananchi pamoja na Vikao mbalimbali  vinaendelea kuwajadili watumishi wa Idara ya Afya Wanaofanya kazi chini ya kiwango

Nae Kaimu Mkurugenzi  wa Halmashauri ya Itigi Bi Doreen  Lutahanamilwa alisema kuwa Halmashauri itaendelea na utaratibu wake wa kuendelea kuchukua hatua kwa watumishi wote ambao wanafanya kazi kwa mazoea na kupelekea Malalamiko kwa Wananchi

Aidha Lutahanamilwa alimtaka Mganga Mkuu kuhakikisha Huduma za afya zinatolewa ipasavyo katika vituo vya afya na zahanati zote pamoja na kuhakikisha Mapato  yatokanayo na Bima ya Afya yanaongezeka

Mwenyekiti wa kamati ya Elimu, Afya na Maji Mh Husein Simba na Diwani wa kata ya Tambukareli amesema kuwa pamoja na Vituo vya Afya na Zahanti kufanya kazi nzuri ni vema usimamizi ukaongezeka wa kusimamia mienendo ya kinidhamu ya watumishi hasa wa Afya ambao wanalalamikwa pamoja na kufanya kazi zao kwa kutumia weledi na Taaluma zao. Pia katika suala na kuchukua hatua za kinidhamu ni vema hatua hizi zikawa zinachukuliwa mapema na kwa haraka zaidi

Katika Hatua nyingine Mwenyekiti wa kamati ya Elimu , Afya na Maji amemuagiza mhandisi wa Maji wa Wilaya kuhakisha Miradi ya Maji yote inayotekelezwa inasisimamiwa vizuri na inafanyika kwa haraka na kwa vigezo Vinavyokubaliwa

Waheshimiwa Madiwani wakipitia Makabrasha katika kikao cha Kamati ya Elimu ,Afya na maji

Mh Diwani wa Kata ya Ipange Hamis Mwinje akichangaia agenda katika kikao cha kamati  ya Elimu , Afya na Maji