MAFUNZO YA ELIMU YA UNUNUZI NA UGAVI YATOLEWA NGAZI YA VITUO VYA KUTOLEA HUDUMA,ITIGI DC

Posted on: September 7th, 2022

Watumishi wa Umma wametakiwa kufanya kazi kwa uadilifu na weledi  katika maeneo yao ili kuepuka hoja za wakaguzi wakati wanapotekeleza majukumu yao.

Hayo yamesemwa leo  na Afisa Mkuu wa serikali za Mitaa Bw.Cosmas katika mafunzo ya kuwajengea uwezo Wakuu wa shule za Sekondari,Waalimu wakuu wa shule za msingi,Wajumbe wa Kamati za usimamizi wa miradi,Waganga wafawidhi wa zahanati na vituo vya Afya kuhusu Sheria ,taratibu ,kanuni na miongozo ya Ununuzi na Ugavi  yaliyofanyika katika ukumbi wa mikutano wa ofisi ya Mkurugenzi Mtendaji wa Halmashauri ya Itigi.

Bw.Sikali amesisitiza kuwa Mkuu wa mkoa wa Singida  Peter Serukamba amesema hataki kusikia hoja za wakaguzi katika taasisi za umma na kuongeza kuwa  ilikufikia azima hiyo Watumishi  wanapaswa kufanya kazi kwa upendo na kuheshimiana baina yao ili kuleta ufanisi katika kazi.

Amesema kuwa hoja zinazojitokeza mara kwa mara katika taasisi za umma hasa katika usimamizi wa miradi ya maendeleo ndizo zimepelekea Serikali ya Mkoa kupanga kutoa mafunzo ya Elimu ya Manunuzi na Ugavi ngazi ya vituo vya kutolea huduma (Facility level).

Kwa upande wake Kaimu Mkurugenzi wa Halmashauri ya Itigi Dkt. Emmanuel Mallange amesema kuwa mafunzo hayo ni muhimu sana na yamekuja wkwa wakati unaofaa ili kuwasaidia watumishi kuepuka kukiuka sheria na taratibu mbalimbali za manunuzi na ugavi.

Aidha Dkt.Mallange amewakumbusha  Watumishi hao katika nafasi zao kutoa elimu kwa jamii kuhusu maono na vipaumbele vya mkoa ikiwa ni pamoja na kila mwananchi WA Mkoa wa Singida kuwa na Bima ya Afya  iliyoboreshwa(CHF).