Mh. Simba Amevitaka Vikundi vilivyapatiwa Mkopo wa Pikipiki katika Halmashauri ya Itigi Kufanya Kazi kwa Bidii

Posted on: October 12th, 2021

Mwenyekiti wa Halmashauri  ya Wilaya Ya Itigi  Mh Hussein Simba  amevitaka Vikundi viwili vilipatiwa Mkopo utokanao na Mapato ya Ndani kufanya Kazi kwa Bidii. Simba Ameyasema hayo wakati wa Makabidhino ya Pikipiki yaliyofanyika nje ya Jengo la Halmashauri  wilaya ya Itigi

“ Niwaombe vikundi hivi viwili Mapambano na Upendo hakikisheni mnafanya Kazi kwa bidi ili muwe Mfano kwenye jamii , tumieni pikipiki hizi vizuri na ziweze kuwanufaisha kiuchumi lakini pia hakikisheni mnarejesha marejesho kwa Mkopo huo usio kuwa na Riba kwa wakati ”

Nae Mkurugenzi Mtendaji wa Halmashauri ya Wilaya ya Itigi Ndugu John K Mgalula amesema kuwa utoaji wa Asilimia 10 Upo kisheria na halmashauri ya Wilaya ya Itigi itaendelea kuhakikisha utaratibu huo unafanyika kwa Vikundi vyenye sifa ya Kupatiwa mikopo hiyo . Aidha Mgalula amewataka pia Vikundi hivyo vilivyopatiwa Mikopo hiyo kuhakikisha  vinatunza vizuri pikipiki hizo.

Awali akitoa taarifa ya Makabidhino hayo ya Pikipiki  Mkuu wa Idara ya Maendeleo ya Jamii Bi Suzan Mushi alisema kuwa Vikundi hivyo vimekidhi sifa naKupelekea kupatiwa Mkopo huo ili waweze kujikimu kiuchumi Bi Suzana Mushi Mushi amesema kuwa Mkopo huo ni wa Kibishara Na unatakiwa kurejeshwa kwa Muda wa mwaka mmoja

Aidha Suzana Mushi Amesema kuwa Katika kuwajengea uwezo vikundi Idara ya Maendeleo ya jamii itaendelea kuhakikisha vikundi vinapatiwa Mafunzo juu ya uwekaji wa Akiba , Kuandaa Katiba , ukopaji na Urejeshaji wa Mikopo

Mwenyekiti wa Kikundi cha Mapambano ndugu Richard Wilson amesema kuwa kwa kweli tunaishukuru sana serikali kwa kutupatia Mkopo huu usio kuwa na Riba na Mkopo huu sisi kama Kikundi  tutahakikisha kinakuwa kikundi cha Mfano kwa kufanya shughuli mbali mbali za Maendeleo Pamoja na Kutoa Ajira kwa Vijana wenzetu