MKUU WA MKOA WA SINGIDA MH. BINILISI MAHENGE AFANYA ZIARA YA KUKAGUA MIRADI KATIKA HALMASHAURI YA WILAYA YA ITIGI.

Tarehe ya Kuwekwa: December 27th, 2021

Mkuu wa Mkoa wa Singida  Mh. Binilis  Mahenge ameipongeza  Halmashauri ya Wilaya ya Itigi kwa kusimamia kwa ufanisi  miradi mbalimbali ya sekta ya Elimu ikiwa ni pamoj na ujenzi wa vyumba vya madarasa,ofisi za waalimu na vyoo.

Akizungumza  na Viongozi hao wakiongozwa na Mkurugenzi wa Halmashauri ya Itigi, Mh.John Mgalula mara baada ya kukamilisha ziara ya siku moja ya kukagua miradi hiyo, Mkuu wa mkoa  amewataka viongozi hao kusimamia na kuhakikisha miradi yote ya elimu iliyopo katika Halmashauri hiyo inakamilika kwa wakati na kwa kuzingatia ubora unaolingana na fedha zilizoelekezwa katika miradi hiyo(Value for Money).

 Mh. Mahenge amesisitiza kuwa utendaji wa viongozi utapimwa  kutokana na usimamizi mzuri wa utekeleza wa miradi hiyo hasa inayofadhiliwa KUPITIA FEDHA ZA MAPAMBANO DHIDI YA VIRUSI VINAVYOSABABISHA UGONJWA WA KORONA (UVIKO-19) IMF,

Kwa upande wake Mkurugenzi,Mh. John Mgalula amemhakikishia  Mkuu wa mkoa kuwa Halmashauri yake imejipanga kuhakikisha miradi hiyo inakamilika kwa ubora na kwa wakati ili kuruhusu wanafunzi kutumia miundombinu hiyo mapema mwezi Januari shule zitakapofunguliwa.

Mkuu wa mkoa  amefanya ziara ya kukagua shule za Sekondari  Itigi,Kimadoi,Handu zilizopo katika mji wa Itigi pamoja na Shule ya sekondari ya Kalekwa,Mitundu na Mgandu zilizopo kata ya Mitundu.