MWENGE WAZINDUA NA KUWEKA MAWE YA MSINGI H'W ITIGI 2022

Posted on: August 14th, 2022

Kiongozi wa mbio za mwenge wa uhuru Sahili Geraruma amewataka viongozi wa Halmashauri ya Wilaya ya Itigi kusimamia ipasavyo miradi  mbalimbali ya maendeleo ili iweze kukamilika kwa wakati na kwa ubora unaolingana na thamani ya fedha ili iweze kuleta tija kwa jamii.

Geraruma amesema hayo wakati wa kuweka jiwe la Msingi katika mradi wa shule ya Sekondari Kitaraka iliyopo Halmashauri ya Itigi wilayani Manyoni.

Amesema Wahandisi wanayo nafasi ya kushauri katika ujenzi kulingana na kiasi cha fedha zilizopo ili kujenga majengo machache yanayokamilika kwa muda mfupi na yakatumiwa na wanafunzi kuliko kujenga majengo mengi yasiyokamilika  kwa wakati uliyopangwa.

Ameongeza kuwa miradi mingi haikamiliki kwa wakati kwa sababu Wahandisi wanashindwa kushauri kulingana na taaluma zao jambo ambalo linachangia miradi hiyo kutokamilika kwa wakati na kujikuta inahitaji muda wa ziada.

Amewataka wasimamizi wa majengo hayo kuwa na Mpango kazi unaotekelezeka ili kujipima ufanisi na uwajibikaji wa kila mmoja.

Aidha akiwa katika kituo cha Afya Mitundu Kiongozi wa Mwenge wa Uhuru ameagiza viongozi wasimamie misingi na maadili ya kazi zao huku akiwasihi mafundi kukagua vifaa vya ujenzi kabla ya kuvipeleka stoo.

Mmwenge wa uhuru ulikabidhiwa katika halmashauri ya Wilaya ya Itigi ukitokea wilaya ya Ikungi  mkoani Singida na kuweka jiwe la msingi mradi wa maji katika kijiji cha Gurungu wenye thamani ya shilingi 199,376,769.22,Uzinduzi wa vyumba vitatu vya madarasa shule ya sekondari Kimadoi wenye thamani ya shilingi milioni 80, huku Jiwe la msingi likiwekwa katika kituo cha Afya Mitundu kilichojengwa kwa gharama ya shilini  milioni 251,310,000,sambamba na kutembelea mabanda ya Lishe,UKIMWI na Maralia katika kijiji cha Itagata pamoja na kuzingua klabu ya kupinga Rushwa katika shule ya sekondari ya Mitundu.

                                                                                                            Mwisho