MWENYEKITI WA CCM WILAYA YA MANYONI ATEMBELEA ITIGI

Posted on: October 20th, 2017

Mwenyekiti wa  CCM Wilaya ya Manyoni ndugu Jummanne  Ismail  ametembelea Halmashauri ya wilaya ya Itigi kwa lengo la kujitambulisha kwenye Ofisi za

Halmashauri ya itigi pamoja na kujitambulisha kwa wakuu wa idara na vitengo wa halmashauri ya Itigi.

Mwenyekiti   huyo ameomba ushirikiano wa kutosha  kwa Mkurugenzi wa Halmashauri ya wilaya ya itigi  pamoja na  wakuu wa idara na vitengo kwa ajili ya kutekeleza ilani ya ccm Ipasavyo. Alisema “jukumu letu sisi Viongozi ni Kuhakikisha tunatatua changamoto za wananchi  ivo tunapaswa kufanya kazi kwa bidii ili tuakikishe changamoto zinatatuliwa.”  Pia  alisema uchaguzi umekwisha kilichobaki ni kuhakikisha ilani ya CCM inatekelezwa kwa viwango vinavyokubalika.  Hata hivyo alitumia fursa kusema kuwa   katika ahadi yake ilikuwa ni kutembelea kila  kijiji ili kujua changamoto  za wananchi  na katika kuanza kutembela vijiji hivyo ataanza na Halmashauri ya wilaya ya Itigi.

Hata ivo ndugu Jumannne Ismail  alipata fursa ya kutembelea eneo sehemu yalipohifadhiwa Magogo  yaliyotaifishwa  na Halmashauri kutoka kijiji cha damwelu. Vilivile alitembelea eneo ambalo jengo la Halmashauri litajengwa kwa lengo la kujionea hatua za ujenzi zinavyoendelea  .

Mwenyekiti wa kamati ya huduma za jamii Mhe Hussein Simba ambaye ni  Diwani wa kata ya Tambukareli  alipata nafasi ya kumshukuru Mwenyekiti wa CCM wilaya kwa kutembelea  Halmashauri ya itigi. Mhe Simba Alimshukuru sana kwa kutembelea itigi kwa lengo la Kufahamiana na Watendaji  kwa kuwa wao ndio watendaji na ndio watekelezaji wa  ilani . Hata ivyo  Mhe  Simba alisema kuwa Halmashauri ya wilaya ya Itigi itatoa ushirikiano wa kutosha kwa  Mwenyekiti  kwa kasi sana ili kuwezesha Maendeleo ya wana Itigi Yanapatikana .