MWENYEKITI WA HALMASHAURI YA ITIGI ARIDHISHWA NA MIRADI YA AFYA

Posted on: February 11th, 2023

Katika kuendelea kuboresha mazingira ya kutolea huduma za afya nchini Halmashauri ya Wilaya ya Itigi imeweka kiapaumbele katika usimamizi wa miradi ya afya inayotekelezwa katika halmashauri hiyo.

Akizungumza na wanachi katika Kijiji cha Itumba kilichopo Kata ya Mwamagembe ambako mradi wa ujenzi  wa Zahanati unatekelezwa  Mwenyekiti wa Halmashau ya itigi Mh. Hussein Simba amesema  halmashauri imetenga takribani milioni mia moja ili kukamilisha ujenzi wa zahanati hiyo.

Amesema  halmashauri inatambua mchango wao katika ujenzi wa zahanati hiyo  na kuwasisitiza waendelee kujitolea ili mradi ukamilike mapema huku akimshukuru Rais wa Jamhuri ya Muungano wa Tanzania Mh.Dkt Samia Suluhu Hassani kwa kuendelea kutekeleza miradi mikubwa hususani miradi ya afya katika halmashauri ya Itigi

Nae mganga Mkuu wa halmashauri ya Itigi Dkt.Immanuel Mallange amewapongeza wananchi wa kijiji cha Itumba kwa kuendelea kujitolea kushiriki katika utekelezaji wa mradi wa zahanati hiyo  na kuawaahidi kuwa halmashauri itahakikisha mradi huo unakamilika kwa wakati na viwango.

Kwa upande wake Diwani wa kata ya Mwamagembe Mh. Jonathan Dulle amesema kuwa maendeleo katika Kata hiyo yanakuja kwa kasi na  kuwataka wananchi kuacha kusilkiza propaganda za watu wasiopenda maendeleo na kuwasisitiza wajikite katika shughuli za kiuchumi sanjari na kushiriki katika utekelezaji wa miradi ya maendeleo katika maeneo yao.

Ziara ya kutembelea miradi ya maendeleo  imeanzia  katika mradi mkubwa wa ujenzi wa hospitali ya Wilaya inayojengwa katika mji wa Itigi, zahanati ya Itumba na Zahanati ya Rungwa na maendeleo ya utekeleza ukionekana kumridhisha Mwenyekiti wa halmashauri pamoja na Wataalamu kutoka ofisi ya Mkurugenzi Mtendaji wa halmashauri hiyo.