RAHABU MWAGISA ATOA NENO KWA WADAU WA AFYA H'W ITIGI

Tarehe ya Kuwekwa: April 2nd, 2022

Wadau wa afya katika halmashauri ya Itigi mkoani Singida wametakiwa kukutana kila wakati ili kujadili na kuwa na uelewa wa pamoja kuhusu masuala mbalimbali ya kisekta .

Akizungumza katika kikao kazi cha wadau wa sekta ya afya Mkuu wa wilaya ya Manyoni Bi.Rahabu Mwagisa amewataka wadau hao wa sekta ya afya kuweka ratiba ya kukutana angalau mara tatu kwa mwaka ili kujadiliana na kubadilishana uzoefu na kutafuta suluhisho la pamoja kwa changamoto zinzoikumba sekta hiyo.

Bi.Rahabu amesema kuwa wadau hao wanaweza kuandaa vikao kazi kwa kuishirikisha halmashauri badala ya kusubiri ratiba ya vikao vya halmashauri"naamini suala la pesa kwenu si kipaumbele hivyo mnaweza kuandaa vikao kwa kushirikiana na halmashauri ili tuweze kukutana kama hivi na kujadili masuala mbalimbali ya kiafya yanayoihusu jamii yetu"amesema Bi Rahabu

Kwa upande wake meneja mradi kutoka Action Against Hunger Bwana Daudi Tano ameshauri mafunzo kwa madaktari na wauguzi ni muhimu yakatolewa pasipo na upendeleo"tunapotoa mafunzo na semina kwa madaktari na wauguzi ni muhimu kuweka rekodi ya mahudhurio ili mafunzo yatakayo fuata wasijirudie hao hao"amesema Bw Tano.

Naye mratibu wa afya kutoka shirika la CSSC kanda ya magharibi Mchungaji Godfrey Mdaki  amesema kuwa wapo tayari kuratibu vikao kazi vinvyohusu sekta ya afya kwa kusirikiana na serikali ya Wilayakwa kuwa wamekuwa wakifanya huvyo hata katika maeneo mengine"tushirikiane katiak kuandaa mipango na sisi tupo tayari kuratibu kwa upande wa kifedha"amesema mchungaji Mdaki

Awali akiwasilisha taarifa ya sekta ya afya Mganga mkuu wa Halmashauri ya Itigi Dkt Emmanuel Mallange amesema halmashauri bado inakabiliwa na changamoto mbalimbali katika kutoa huduma za afya ikiwa ni pamoja na ukosefu wa magari ya wagonjwa kwa vituo vilivyombali na hospitali,uhaba wa vitendea kazi hususani katika wodi za wazazi pamoja na uhaba wa wataalamu wa kufun ga uzazi huku akiwashukuru wadau wa afya  kwa kushirikiana na serikali katika  kutatua changamoto za kisekta katika halmashauri hiyo.