TUWAVUSHE SALAMA

Posted on: January 28th, 2022

Afisa tawala Halmashauri ya Wilaya ya  Manyoni Mh.Leila Sawe amewataka waganga wafawidhi pamoja na maafisa watendaji wa vijiji kufanya kazi kwa ushirikiano ili KUWAVUSH A SALAMA akina mama wjawazito na watoto hasa wenye vidokezo vya hatari.

Mh.Leila Sawe kwa niaba ya Mkuu wa Wilaya ya Manyoni Mh. Rahabu Mwagisa amesema hayo wakati wa kikao cha kutoa TAARIFA YA UTEKELEZAJI WA TAMKO LA JIONGEZE TUWAVUSHE SALAMA kilichofanyika katika ukumbi wa Halmashauri ya Itigi.

Akiwasilisha taarifa ya afua za lishe kwa kipindi cha mwezi Julai-Septemba 2021, Mratibu wa lishe na Muuguzi Mkuu wa Wilaya Ndg FREDERICK GAISHA.amesisitiza suala la mama wajawazito kuanza kliniki mapema kabla ya miezi mitatu ili afanyiwe uchunguzi wa kutosha na utambuzi wa dalili za hatari mapema na kupatiwa suluhisho kabla muda wa kujifungua.

Amesema takwimu zinaonesha katika ngazi ya jamii kuwepo kwa tatizo la lishe duni kwa wajawazito hivyo kupelekea ongezeko la watoto wanaozaliwa na uzito pungufu hadi kufikia 3.8% kwa kipindi cha mwezi Julai –Septemba huku akibainisha hali ya Watoto wenye hali nzuri ya lishe kuwa ni asilimia 99.8%, utapiamlo wa kadri ni 1%, na Utapiamlo mkali ni 0.1%.

Naye Mganga Mkuu wa Halmashauri ya Wilaya ya Itigi DR. EMMANUEL S. MALLANGE amewahimiza akina mama wajawazito kuanza kliniki mapema chini ya wiki 12 na elimu ya uzazi salama na lishe itolewe kupitia mikutano na makongamano kwa wingi ili kuwaelimisha juu ya umuhimu wa kuhudhuria mapema kliniki sanjari kuhamasisha Kampeni za Vitamini A inayotarajia kuanza hivi karibuni kuanzia ngazi ya Kata. Vijiji hadi Vitongoji,