WADAU WA AFYA HALMASHAURI YA WILAYA YA ITIGI WAJENGEWA UWEZO

Posted on: December 2nd, 2021

Halmashauri ya Wilaya ya Itigi imezitaka serikali za mitaa ngazi ya kata , vijiji,Wahudumu wa afya ngazi ya jamii pamoja na watu maarufu  kutoa elimu na kuihamasisha jamii kushiriki kupata chanjo ya kupambana dhidi ya maradhi yanayotokana na virusi vya korona.

Akizungumza na wajumbe kwenye kikao hicho kilichofanyika  katika ukumbi wa halmashauri ya Itigi ,Mwenyekiti wa Halmashauri ya Wilaya ya Itigi Mh Husseni Simba kwa niaba ya Mkuu wa Wilaya ya Manyoni Mh Rahabu Mwagisa ameziagiza serikali katika ngazi zote katika Wilaya hiyo kuhamasisha wananchi wote wenye umri wa miaka 18 na kuendelea pamoja na wanawake wajawazito na akina mama wanaonyonyesha kushiriki kupata chanjo ya UVIKO-19 ambazo zinapatikana BURE katika vituo vyote vya kutolea huduma za afya.

Kikao hicho cha kujengeana uwezo katika uhamasishaji jamii kuitikia chanjo dhidi ya UVIKO 19 (capacity building) kimejumuisha washiriki kutoka kada mbalimbali  wakiwemo Watendaji wa kata 13,Wahudumu viongozi wa ngazi ya jamii10 pamoja na Idara 8 za Halmashauri ya Wilaya ya Itigi

Sanjari na kikao hicho Halmashauri iliendesha kikao kingine kilichohusu kujengeana uwezo katika uandaaji wa mpango wa awali wa bajeti ya lishe ambacho kiliongozwa na Mkurugenzi Mtendaji wa Halmashauri ya wilaya ya Itigi Mh John Kulwa Mgalula na mwakilishi kutoka wizara ya afya kitengo cha chakula na lishe (TFNC) na Mratibu lishe wa Mkoa ndg Teda Sinde kilijumuisha washiriki kutoka idara mtambuka za lishe na Utawala(kilimo,mifugo,maji,elimu, maendeleo ya jamii, mipango na utawala).