WADAU WA LISHE WAKUMBUSHWA

Posted on: February 6th, 2023

Waganga wafawidhi pamoja na Maafisa watendaji wa Kata wametakiwa kufanya kazi kwa bidii kulingana na taaluma yao ili kuisaidia jamii katika masuala ya Afya na Lishe.

Akitoa agizo hilo katika Kikao cha Mkataba wa Lishe na Tamko la Jiongeze Tuwavushe Salama katika kipindi cha Oktoba –Desemba, Mwenyekiti wa Halmashauri ya Wilaya ya Itigi Mh. Hussein Simba  amesema  wadau hao wa Lishe kuwa makini kufanyia kazi mapungufu mbalimbali yanayojitokeza mara kwa mara katika utendaji kazi wao.

Amesema kuwa pamoja na mambo mengine  kila mtu atapimwa kulingana wa uwajibikaji wake katika eneo lake la kazi “Kila mtu atomize wajibu wake katika eneo lake  bila kusimamiwa”alisisitiza

Aitha amewataka wadau hao hususani WEOs kuwasilisha taarifahalisi na za kweli za ufuatiliaji kwa wakati na kuepuka kupika taarifa kwani kufanya hivyo ni ishara ya kushindwa kutimiza wajibu wao.

Kwa upande wake Mganga Mkuu wa halmashauri Dkt. Emmanuel Mallange wajumbe wa kikao hicho kukipa kipaumbele kwa kuwa kikao hicho kipo kwa mujibu wa sheria “Kikao hiki n maelekezo ya Mkoa kwa hiyo wadau ni muhimu kukizingatia kwa kuandaa na kuwasilisha taarifa kwa wakati pamoja na kushiriki katika kikao hiki.”