WALIMU WA SAYANSI ITIGI DC WAPIGWA MSASA

Posted on: August 12th, 2023

Katika kuinua kiwango cha elimu nchini Waalimu wametakiwa kuendelea kujifunza na kujisasisha ili kuenda sambamba na mabadiliko ya mtaala mpya ulioboreshwa ili kuwasaidia wanafunzi waweze kupata ujuzi na  maarifa sahihi.

Akifunga mafunzo kwa Walimu wa shule za Sekondari na  Msingi wanaofundisha masomo ya Sayansi kwa madarasa ya mitihani  Afisa Elimu Taaluma Msingi Mwl.Shaaban Madongo amewataka walimu kufanya kazi kwa bidii ili kuunga mkono jitihada za serikali za kuboresha kiwango cha elimu nchini.

Kwa upande wake Mkurugenzi wa Taasisi ya Elimu (TASESO) Deus Lugaila amesema lengo la mafunzo hayo ni kuwajuza walimu kuhusu mabadiliko ya mtaala na namna ya kutunga mitihani kulingana na mtaala ulioboreshwa huku Mratibu wa Mafunzo hayo Ndg.Richard Nnko amesema mafunzo hayo yamekusudiwa kuwasaidia waalimu kuboresha mbinu zao za ufundishaji na ujifunzaji ili kuleta mabadiliko chanya ya ufaulu kwa wanafunzi.

Nae Sista,Karitus Mazengo ambaye ni mwalimu wa Shule Msingi Isingiwe amekiri kwa mafunzo hayo yaewaongezea umahiri katika  stadi za ufundishaji  .