ALAT MKOA WA SINGIDA WAMPONGEZA RAIS SAMIA

Posted on: March 5th, 2022

ALAT MKOA WA SINGIDA WAMPONGEZA RAIS

Wajumbe wa jumuiya ya tawala za mikoa Tanzania ALAT mkoa wa Singida wamempongeza Mheshimiwa Rais  Samia Suluhu Hassani kwa kuibua na kutekeleza miradi mbalimbali ya maendeleo nchini

 Akizungumza katika mkutano wa kujadili masuala mbalimbali yakiwemo miradi ya elimu,afya na yanayohusu sekta ya kilimo uliofanyika katika Halmashauri ya Itigi,Mwenyekiti wa ALAT mkoa wa Singida Mhe. James J. Mkwega amesema  kuwa wajumbe wamepitisha kwa pamoja azimio la kumpongeza Rais kutokana na juhudi zake katika kutekeleza miradi mbalimbali kwa kipindi cha mwaka mmoja cha uongozi wake.

Mhe. Mkwega amesema kuwa azimio hilo la kumpongeza Rais limekuja baada ya kuridhishwa na kasi ya utendaji wake wa kazi “sisi wana Singida kupitia wajumbe wa ALAT mkoa tunampongeza sana rais kwa yale anayotufanyia kwa kipindi hiki kifupi cha utumishi wake” alisema Mkwega.

Akiwasilisha pongezi kwa Mheshimiwa rais kwa niaba ya wajumbe wa ALAT,makamu wa mwenyekiti ALAT mkoa wa Singida Bi.Yagi Kiaratu amesema kuwa tangu awali mheshimiwa rais alionesha wazi dhamira ya dhati ya kuwaletea wanachi wa Tanzania maendeleo.

Amesema kwa rais ameifungua Tanzania kitaifa na kimataifa”mama ameupiga mwingi katika kuleta maendeleo na kuifungua Tanzania kitaifa na kimataifa kuhakikisha nchi inasonga mbele”amesema Bi.Yagi.

Katika hatua nyingine Wajumbe wa ALAT-mkoa wamezungumzia utekelezaji wa zoezi la anwani za makazi ambalo limeanza kutekelezwa katika halmashauri za mkoa huo sanjari na maandalizi ya utekelezaji wa zoezi la sensa ya watu na makazi itakayo fanyika mwezi agosti mwaka huu na kuzitaka halmashauri zote kutekeleza zoezi hilo kwa ufanisi wa kiwango cha juu.