DC AIOMBA NMB KUTOA ELIMU YA KIFEDHA KWA WAALIMU H'W ITIGI

Tarehe ya Kuwekwa: June 25th, 2022

Mkuu wa wilaya ya manyoni mkoani singida bi. Rahabu mwagisa ametoa rai kwa taasisi za kifedha kutoa elimu ya kifedha kwa walimu wanaokaribia kustaafu ili waweze kutumia fedha zao kuanzisha miradi yenye tija itakayo wapatia kipato baada ya kustaafu.

Akizungumza katika warsha iliyoandaliwa na benki ya nmb kwa lengo la kutoa elimu ya kifedha kwa walimu katika wilaya ya manyoni iliyofanyika katika mji wa  itigi mkuu huyo wa wilaya  ameiomba benki ya nmb kutoa elimu ya kifedha  na mafunzo ya ujasiriamali kwa waalimu wanaotarajia kustaafu ili waweze kujiandaa kustaafu vizuri.

Amesema walimu wengi wanapostaafu  huanza kufanya shughuli mbalimbali za kiuchumi ikiwa ni pamoja na kilimo na biashara ambapo hujikuta wanashindwa kuendelea kutokana na kutokuwa na elimu ya kifedha na matokeo yake wanafilisika na hatimaye k

uishi maisha ya  umasikini.

Awali akimkaribisa mgeni rasmi,mwenyekiti wa halmashauri ya itigi mh.hussein simba ameipongeza nmb kwa kuandaa warsha hiyo kwa walimu  katika halmashauri yake na kuongeza kuwa taasisi hiyo ya kifedha imekuwa na mchango  mkubwa katika utekelezaji wa miradi mbalimbali ya maendeleo kwenye  halmashauri hiyo.

Bwana ally ngingite ni meneja wa benki ya nmb makao makuu,amesema kuwa ombi la mkuu wa wilaya ya manyoni la kutoa elimu ya kifedha kwa wastaafu watarajiwa amelipokea huku akibainisha masuluhisho ya changamoto za waalimu yanayopatikana katika taasisi hiyo kwa sasa ikiwa ni pamoja na mikopo ya vyombo vya usafiri kama pikipiki na bajaji sambamba na kuondoa baadhi ya masharti yaliyomtaka mwalimu kuweka kiwango fulani cha fedha kama dhamana ili astahili kupata mikopo.

Kwa upande wake bi salome mbua ambaye ni mwalimu wa shule ya msingi sayuni amesema ni jambo la msingi kwa wastaafu kupatiwa elimu ya kifedha mapema iliwapate uzoefu katika kile wanachotaka kufanya baada  ya kustaafu.

Warsha hiyo ya siku moja  imewakutanisha waalimu zaidi ya mia mbili kutoka wilaya ya manyoni ikiwa na kauli mbiu inayosema “mwalimu spesho-umetufunza –tunakutunza