DC MANYONI AZINDUA BODI YA AFYA ITIGI

Tarehe ya Kuwekwa: August 29th, 2018

Mkuu wa Wilaya ya Manyoni Mhe Rahab Jackson  Mwagisa amewataka wajumbe wa bodi ya Afya katika Halmashauri ya Wilaya ya Itigi kutekeleza Majukumu yao Ipasavyo. Rahab  alitoa kauli hiyo ambayo alipokuwa akizindua bodi hiyo ya  afya katika Halmashauri ya Wilaya ya Itigi  ambayo ni ya kwanza tangu kugawanywa kwa halmashauri ya Manyoni na Halmashauri ya Wilaya ya Itigi.

Hata hivyo mkuu wa wilaya aliwapongeza wajumbe wote kwa kuchaguliwa kutumika katika bodi hiyo ya Afya. Pia Rahab aliwataka wajumbe hao  kuhakikisha kuwa huduma za Afya zinatolewa kwa kufuata taratibu zilipo pamoja na kusimamia Maadili ya watumishi wa Idara ya Afya kwa kufanya kazi kwa kuzingatia Taaluma zao pamoja na kuwa na kauli nzuri kwa Wananchi ambao wanafika kwenye vituo vya Afya au Zahanati kwa ajili ya Kupata Huduma

Rahab pia alitumia fursa hiyo kumtangaza ndugu Didas Issuja ambaye alichaguliwa kuwa Mwenyekiti wa Bodi ya Afya kwa Kupata kura 7 za ndio na kura 0 Hapana pamoja na Hivyo Alimtangaza bi Janet John Tuu kuwa Makamu  Mwenyekiti wa Bodi ya Afya Halmashauri ya Wilaya ya Itigi. Mkuu wa Wilaya ya Manyoni Aliwapongeza sana wajumbe kwa kutumia haki yao ya kidemokrasia kwa kuchagua viongozi wanaowataka na kuwataka viongozi hao ambao wamechaguliwa kuongoza kwa kufuata Sheria, Kanuni ,na  taratibu

Naye Mwenyekiti wa Halmashauri ya Wilaya ya Itigi Mh Ally Minja Alimshukuru Mkuu wa Wilaya kwa Kuweza kuzindua bodi ya Afya ya Halmashauri ya Wilaya ya Itigi. Minja alisema kuwa Bodi ya Afya katika Halmashauri ya Itigi ni Muhimu sana kwa kuwa sasa itakuwa na kazi ya kuhakikisha shughuli za Afya zinasimamiwa ipasavyo. Hata hivyo Minja aliwataka Wajumbe wa Bodi kufanya kazi kwa kushirikiana na halmashauri kwa kuwa Halmashauri ndio inayounda bodi na Sio Bodi ndio inaunda halmashauri

 Minja Alisema pia Halmashauri ya Wilaya ya Itigi itatoa ushirikiano wa kutosha kwa bodi ya afya ili iweze kutekeleza majukumu yake kwa ufanisi.

Mkuu wa Wilaya ya Manyoni Mh Rahab Jackson Mwagisa (katikati)alievalia koti nyeusi akiwa pamoja na wajumbe wa bodi ya afya katika Halmashauri ya Wilaya ya Itigi(kushoto) Didas 

Issuja Mwenyekiti wa Bodi ya Afya na Kulia kwake ni Makamu mwenyekiti Bi Janet John Tuu.

Mwenyekiti wa Bodi ya Afya Halmashauri ya Wilaya ya Itigi ndugu Didas Issuja (Katikati )akiwa pamoja na Mratibu wa CHF (kulia) pamoja na Mjumbe wa Bodi ya Afya (Kushoto)

Mjumbe wa Bodi ya Afya ndugu Hussein Simba Akipokea Majukumu ya kazi ya Bodi ya Afya kutoka kwa Mkuu wa Wilaya ya Manyoni Rahab Jackson Mwagisa