DC MANYONI DK. VINCENT MASHINJI AONGEZA DAU LA SHILINGI MILIONI MBILI KWENYE MECHI YA STAND FC DHIDI YA BOYS FC

Posted on: August 20th, 2025

Mchezo wa soka kati ya timu ya Stand na Small Boys umevutia mamia ya mashabiki baada ya kuhitimishwa kwa sare ya magoli 2–2.

Timu ya Small Boys ilitangulia kupata magoli mawili katika kipindi cha kwanza, lakini Stand walionesha uwezo mkubwa kipindi cha pili na kufanikiwa kusawazisha.

Awali zawadi iliyokuwa imeandaliwa kwa mshindi ilikuwa Shilingi Milioni Moja, lakini kufuatia matokeo hayo Mkuu wa Wilaya ya Manyoni Mhe Dkt Vincent Mashinji ametangaza kuongeza dau hilo na kufikia Shilingi Milioni Mbili kwa lengo la kuongeza hamasa na ushindani kwa wachezaji na mashabiki.

Serikali ya Wilaya inaendelea kujivunia mchango wa michezo katika kujenga mshikamano wa kijamii na kuibua vipaji vya vijana.