DC Mwenda Awataka Vijana wa Itigi watakaopata Kazi Kwenye Mradi wa SGR kuwa Waadilifu.

Posted on: October 20th, 2022

Mhe, Mkuu wa Wilaya ya Iramba Ndugu Selemani Mwenda  ameyasema hayo kwenye Mikutano ya Hadhara katika Vijiji kadhaa katika Halmashauri ya Wilaya ya Itigi

Mwenda ambaye anakaimu Ukuu wa Wilaya ya Manyoni ametembelea   kwenye Vijiji vya Kazikazi, itigi mjini , mlowa , kitopeni , Mabondeni, aghondi, na Mbugani  ambavyo Mradi wa reli ya Kisasa unapita na kufanya Mikutano na Wananchi. Katika Ziara yake ambaye alianzia Manyoni kijiji cha Makutupora na kumalizia kwenye vijiji vya  halmashauri ya Itigi amesema “kuwa Ajira hizi ambazo kwa sasa zimetolewa katika Ujenzi huo wa Reli ya Kisasa haziitaji utaalamu wowote , Ajira hizo ni zile ambazo zinahitaji wapishi, wanyoosha vibendera, walinzi , wabeba Mizigo , wafanya Usafi nk”

Mwenda amesema “kuwa vijana watakaopata kazi ni muhimu kuwa Waaminifu , waadilifu na watenda kazi wazuri ili kujiwekea imani kwa Waajiri wao”  

Aidha Mwenda amewaeleza wananchi kuwa Ajira Hizo hazina Mtu kati  bali Mkataba wa Ajira kwa Watakaopata kwa Kujaza fomu ambazo zimetolewa katika maeneo yote ya Vijiji ambapo Mradi unapita utafungwa kati ya kampuni inayosimamia ujenzi na Mwajiriwa kwa Kuzingatia sifa ambazo zimetolewa

Akitoa ufafanuzi wa Mh Mkuu wa Wilaya juu ya idadi inayotakiwa  amesema “ kuwa kampuni kwa sasa inahitaji watu 500 katika Wilaya ya Manyoni na kwa kuzingatia hilo kila Kijiji ambapo Reli ya kisasa inapita kuanzia Kijiji cha  Makutupora Wilayani Manyoni Hadi Kijiji cha  Kazikazi Halmashauri ya Itigi  kitatoa vijana kulingana na idadi inayotakiwa kwenye kijiji hicho”

Pamoja na kufanya Mikutano katika Vijiji hivyo Mh Mwenda alitumia Fursa hiyo kuwahamisha wananchi kushiriki katika Miradi ya Meandeleo ambayo inatekelezwa katika maeneo yao kwa kushiriki kikamilifu.