DMO ITIGI DC AISHUKURU SERIKALI UTOAJI CHANJO YA SARATANI YA MLANGO WA KIZAZI (HPV)

Posted on: April 25th, 2024

Zaidi ya wasichana 18,977 wenye umri kuanzia miaka 9 - 14  Halmshauri ya Wilaya ya Itigi Mkoani Singida wanatarajiwa kupatiwa chanjo ya Saratani ya mlango wa kizazi (HPV) kupitia vituo vya kutolea huduma za Afya, huduma za mkoba, Kliniki pamoja na maeneo ambayo yatafaa kutembelewa

Akizungumza wakati wa uzinduzi wa kampeni ya utoaji wa chanjo hiyo Mganga Mkuu wa Halmashauri ya Wilaya ya Itigi Dkt. Emmanuel Mallange kwa niaba ya Mkuu wa Wilaya ya Manyoni Mhe. Kemirembe Lwota amesema Serikali ya Jamhuri ya Muungano wa Tanzania  inayoongozwa na Mhe.Dkt Samia Suluhu Hassan imetoa fedha nyingi kwa ajili ya utekelezaji wa kampeni hii ya chanjo ya saratani ya mlango wa kizazi kwa wasichana wenye umri kati ya miaka 9- 14, na kusisitiza wasimamizi kuhakikisha zoezi hilo linafanikiwa kwa kuwafikia walengwa

"Kipekee nitumie fursa hii kumshukuru Rais wetu wa Jamhuri ya Muungano wa Tanzania Mhe. Dkt. Samia Suluhu Hassan kwa kuendelea na mikakati ya kupambana na kuzuia magonjwa yanayozuilika kwa chanjo’’

Awali  akisoma taarifa ya Maadhimisho ya Wiki ya chanjo na Uzinduzi wa matumizi ya Dozi moja dhidi ya Saratani ya Mlango wa Kizazi (HPV) mratibu wa chanjo wa Halmashauri ya Wilaya ya Itigi Ndg.Maige Minyanyasai amesema kampeni hiyo imeanza tarehe  22/4/ 2024 na kutarajiwa kutamatika Aprili 28, 2024 na  kuwataka wananchi wote  mwenye mtoto wenye umri kati ya miaka 9-14  kuwapeleka kupata chanjo.