ITUMIENI FURSA YA KUWA KARIBU NA MAKAO MAKUU KUJILETEA MAENDELEO-MTATURU

Tarehe ya Kuwekwa: April 5th, 2018

Kaimu mkuu wa Wilaya ya Manyoni Mh Miraji Mtaturu amewataka wananchi wa kijiji cha Sanjaranda kata ya Sanjaranda katika Halmashauri ya Wilaya ya Itigi kuitumia fursa ya Makao makuu ya nchi Dodoma kujiletea Maendeleo kiuchumi , Mtaturu ameyasema hayo kwenye mkutano wa Hadhara uliofanyika leo katika ofisi ya kijiji cha Sanjaranda

Mtaturu amewahamasiha wananchi hao kuitumia ardhi vizuri ili waweze kupata kipato cha kuendeshea Maisha yao, Mtaturu amesema kuwa “kilimo kinalipa limeni mboga mboga limeni matunda kwa maana soko la uhakika lipo”

Aidha Mtaturu amesema kuwa amepokea Maombi ya Mwekezaji anayehitaji kuwekeza katika kilimo cha kisasa na kuyapeleka Mahali husika kwenye Wizara ya Ardhi ili kuendelea na Hatua inayofuata.

Awali Kaimu Mkurugenzi wa Halmashauri ya Wilaya ya Itigi Ndugu Gilbert kalanga aliwaeleza wananchi Taratibu za utoaji wa eneo kwa mwekezaji ikiwemo wananchi wao kuridhia na akidi ya wananchi kutimia ili kukidhi Matakwa ya kisheria.