KAMATI YA LISHE H'W ITIGI IJUMUISHE IDARA MTAMBUKA

Tarehe ya Kuwekwa: November 23rd, 2022

Kamati ya Lishe ya halmashauri ya wilaya ya Itigi imeshauriwa kuweka mpango kazi wa utekelezaji wa masuala ya lishe ambao utajumuisha  shughuli mbalimbali  ambazo hazihitaji fedha lakini zinaweza kufanyika kulingana na mazingira husika.

Akizungumza wakati wa Kikao cha Mapitio ya Utekelezaji wa Mpangokazi wa Lishe kwa mwaka 2023/2024 kilichofanyika katika ukumbi wa mikutano wa ofisi ya Mkurugenzi Mtendaji wa halmashauri ya Itigi, Mratibu wa Afya ya uzazi wa  mama na mtoto Mkoa wa Singida Bi. Christoweru Barnabas  amesema kuwa kuna shughuli nyingi zinazohusu masuala ya lishe zinaweza kutekelezwa  na zikasaidia jamii katika maeneo yao ambazo hazihitaji rasilimali fedha.

Bi. Christoweru pia amesisitiza kuwa kamati ya lishe ya halmashauri  inapaswa kushirikisha idara mtambuka katika usimamizi wa shughuli mbalimbali za lishe ‘’tusiache kamwe kutengeneza kompozisheni ya usimamizi wa shughuli za masuala ya lishe zitakazo jumuisha wanakamati kutoka idara mtambuka ‘’alisisitiza

Kwa upande wake Afisa Lishe mkoa wa Singida Bi.Teda Sinde mbali  na kiupongeza halmashauri ya Itigi kwa kuandaa mpangokazi mzuri pamoja na mafanikio ya utekelezaji wa masuala ya lishe,lakini amesema kuwa kamati inapaswa kufanya kazi kwa ushirikiano kwa kuwa lishe ni suala mtambuka .

Awali akifungua kifungua kikao Mganga Mkuu wa halmashauri ya Itigi kwa niaba ya Mkuu wa wilaya  ya Manyoni Mh.Rahabu Mwagisa amehimiza  watumishi wa wa umma katika idara ya afya ya halmashauri hiyo kushiriki kikamilifu katika ukusanyaji wa mapato ya halmashauri ili bajeti ya lishe iweze kutekelezeka.