KAMATI YA SIASA MKOA WA SINGIDA YATEMBELEA MIRADI YA MAJI GURUNGU,KITARAKA.

Posted on: March 17th, 2022

Mkuu wa Mkoa wa Singida Dkt.Binilis Mahenge amewataka wakazi wa vijiji vya Gurungu  na Kitaraja kutunza na kuulinda miradi ya maji inaojengwa katika vijiji vyao ili viweze kuwanufaisha kwa muda mrefu.

Dkt. Mahenge akiambatana na Kamati ya siasa yaMkoa amesema hayo leo alipotembelea ujenzi wa miradi ya maji katika vijiji vya Gurungu Kata ya Sanjaranda na kijiji cha Kitaraka katika  Halmashauri ya Itigi na kuridhishwa na maendeleo ya utekelezaji wa miradi hiyo.

Aidha Dkt. Mahenge amempongeza Mhesimiwa Rais, Samia Suluhu Hassani kwa kuendelea kutekeleza miradi mbalimbali katika mkoa huu na nchi nzima kwa ujumla.

Awali akitoa taarifa za miradi Meneja wa RUWASA  wilaya ya Manyoni Eng. Gabriel Ngongi amesema kuwa mradi wa Kijiji cha Kitaraka umetengewa jumla ya shilingi milioni 200,fedha kutoka serikali kuu utawanufaisha watu zaidi ya elfu tatu(3085) katika kijiji hicho wakati fedha zaidi ya shilingi milioni miatatu sabini na tatu(Tsh,mil 373,8330,362)kutoka Serikali kuu zilitengwa kwa ajili ya mradi wa Kitaraka ambao utanufaisha watu zaidi ya elfu nne(4344).

Amebainisha kuwa mradi wa kijiji cha Gurungu uliibuliwa mwaka 2020 na kuingizwa katika bajeti ya serikali ya mwaka 2020-2021 na kuanza utekelezaji wake machi 7,2022 na unatarajiwa kukamilika mwezi mei mwaka huu, huku mradi wa maji wa kata ya Kitaraka uliibuliwa mwaka 2018 na kuingizwa katika bajeti ya serikali ya mwaka 2019-2020 na kuanza kutekelezwa Mei 2020 na kukamilika Aprili 30,2021.

Amesema kuwa kukamilika kwa miradi hiyo kutapunguza kero mbalimbali ikiwa ni pamoja na watu kutumia muda mrefu kutafuta maji badala ya kufanya shughuli za kiuchumi,wanafunzi kupata muda wa kutosha wa kusoma na kujiandaa sambamba kuondoa malalamiko ya wananchi  kwa viongozi wao.

Kwa upande wake Meneja wa RUWASA mkoa ,Eng. Lucas Saidi amesema kuwa tayari RUWASA imeshachimba kisima cha maji chenye ujazo wa lita elfu kumi na nne(14,000) kiwango kinachotosheleza mahitaji ya wakazi wa kijiji cha Kitaraka na maeneo ya jirani wakati kisima cha Kitaraka kinauwezo wa kuzalisha lita 5000 kwa saa.

Naye Mwenyekiti wa Halmashauri ya Itigi Mhe.Hussein Simba amesema kuwa asilimia sitini ya vijiji katika halmashauri yake vinapata maji safi na salama kutokana na miradi ya maji iliyotekelezwa na kuongeza kuwa anaishukuru serikali ya awamu ya sita kwa kuipa kipaumbele halmashauri ya Itigi katika ujenzi wa miradi mbalimbali.