KAMATI YA SIASA YA CCM MKOA WA SINGIDA YAFANYA ZIARA YA UKAGUZI WA MIRADI YA MAENDELEO

Posted on: June 10th, 2025

Kamati ya Siasa ya CCM Mkoa wa Singida leo imefanya ziara ya ukaguzi wa miradi ya maendeleo katika @itigi_dc , ikiongozwa na Mwenyekiti wa Chama Mkoa, Mhe.Martha Mlata. Ziara hiyo imelenga kujionea hatua za utekelezaji wa Ilani ya CCM, ambapo Kamati imetembelea mashamba ya wakulima wa dengu pamoja na ghala la kuhifadhia mazao hayo, ikiwa ni sehemu ya juhudi za kuinua uchumi wa wananchi kupitia kilimo.

Mkuu wa Mkoa wa Singida, Mhe. @halimadendego ameungana na Kamati hiyo katika ukaguzi huo, ambapo viongozi wamepongeza kasi ya utekelezaji wa miradi na ushirikiano kati ya serikali na wananchi katika kusukuma mbele gurudumu la maendeleo. Wamesisitiza umuhimu wa kuendelea kuimarisha sekta ya kilimo kwa vitendo ili kuongeza tija na thamani ya mazao ya wakulima.

Ziara hiyo imehudhuriwa na viongozi mbalimbali wa Halmashauri akiwemo Mkurugenzi Mtendaji Ndg. @ayoub_kambi pamoja na Diwani wa Kata ya Itigi Mjini, Mhe. @allyminja37 Halmashauri ya Wilaya ya Itigi itaendelea kushirikiana na wadau wa maendeleo kuhakikisha kuwa miradi inayotekelezwa inaleta matokeo chanya kwa jamii