KAMILISHENI MIRADI YA KIMKAKATI KWA WAKATI-SERUKAMBA

Posted on: June 8th, 2023

Mkuu wa Mkoa wa Singida Mhe Peter Serukamba amemuagiza Mkurugenzi wa halmashauri ya wilaya ya Itigi kukamilisha miradi ya maendeleo inayoendelea ili kuongeza kasi ya utoaji huduma kwa wananchi

Mhe Serukamba amesema hayo wakati wa ziara ya kikazi ya kukagua miradi ya maendeleo katika halmashauri ya wilaya ya itigi ambapo ameridhishwa na kasi ya ujenzi katika miradi hiyo.

“Nawapongeza kwa kazi nzuri mnazofanya za kutoa huduma kwa wananchi hususani katika miradi ya elimu na afya, ongezeeni bidii kusimamia ili kufikia januari yale maboma yote ya shule yawe tayari kwa kufundishia watoto wetu, katika afya hakikisheni mnamaliza haraka na kuleta watumishi ili tutuimze adhma ya serikali ya kutoa huduma kwa ubora na wakati katika maeneo yetu”, alisema RC serukamba.

Aidha Mkuu wa wilaya ya Manyoni Mhe Kemilembe Lwota amemshukuru Mkuu wa mkoa kutembelea miradi katika halmashauri hiyo ambapo amemuhakikishia atasimamia maelekezo yote aliyoyatoa na kukamilisha utekelezaji wa miradi `kwa wakati

Kwa upande wake, Mkurugenzi wa Halmashauri ya Wilaya ya Itigi John Mgalula amesema jumla ya maboma 92 ya sekta ya afya na elimu yapo katika hatua mbalimbali za ukamilishaji ambapo hadi kufika  Januari yanatarajiwa kuwa tayari kutumika.

“Nikuhakikishie RC, Mimi na wataalamu wangu tunafanya kila jitihada kuhakikisha maboma yote yanakamilika kwa wakati, na tunatoa huduma bora kwa wananchi wa maeneo husika”, alisema Mkuu wa wilaya ya Manyoni.