LIMENI MAZAO YANAYO HIMILI UKAME-DC MWAGISA

Posted on: November 12th, 2022

Wananchi wameshauriwa kulima mazao yanayostahimili mvua za wastani kuelekea msimu wa kilimo  ili waweze kupata tija na kuepuka baa la njaa.

Katika kikao chake cha hadhara na wakazi wa mji wa Itigi Bi. Mwagisa amesema kutokana na mvua zisizotabirika katika ukanda wetu wa mikoa ya kati wananchi wanapaswa kuchukua tahadhari kwa kulima mazao yanayohimili  ukame.

Aidha amesisitiza wananchi kujiandikisha ili waweze kupatiwa mbolea pamoja na begu za alizeti aina ya REKODA  yenye ruzuku kutoka serikalini ili watumie katika msimu unaokuja wa kilimo.

Kwa upande wake Mkurugenzi Mtendaji wa halmashauri ya Itigi Ndg.John K. Mgalula akijibu ombi la Bw. Yussuf Muhuta kuhusu serikali kuwapatia wananchi chakula cha bei nafuu ili kupunguza makali ya mfumuko wa bei amesema kuwa tayari halmashauri yake imeshachukua hatua kuomba chakula  serikalini ili kije kuuzwa kwa wananchi kwa bei nafuu.