“MEWAKA’ KUWANOA WALIMU

Posted on: February 14th, 2023

Ili kuendana na  kasi ya mabadiliko ya Sayansi na teknolojia serikali imeanzisha program ya Mafunzo Endelevu ya Walimu Kazini ili kuwawezesha walimu kuwa na umahiri katika kuhaulisha maarifa sahihi kwa wanafunzi.

Akizungumzia programu hiyo Mwl.Salome Kyomo ambae ni mwezeshaji wa MEWAKA  Kitaifa amesema mpango huo ni jia pekee ambayo imekusudiwa kumsaidia mwalimu kukabiliana na mabadiliko yanayotokea katika sekta ya elimu.

Amesema katika program hiyo kuna mifumo ya kielekroniki ambayo ina moduli mbalimbali ambazo zitawasaidia  walimu kujifunza mbinu za kufundishia .

Nae Mkuuwa Divisheni ya Elimu Msingi na Awali Bi. Doreen Lutahanamilwa  amesema kuwa mafunzo ya MEWAKA yamelenga kuwasaidia walimu,Maafisa Elimu Kata pamoja na Maafisa kutoka ofisi ya Halmashauri kuwa na  ujuzi sahihi ambao  utakaowawezesha kutoa maarifa kwa wanafunzi kulingana  na uhitaji.

Kwa upande wake Mwalimu Mkuu wa Shule ya msingi St.Vicent Sista Maria Ntandu amebainisha manufaa waliyoyapata katika  mafunzo hayo ikiwa ni pamoja na kujenga ushirikiano baina yao na vingozi wa ngazi ya Kata na halmashauri ili kuhakikisha kwa pamoja wanatoa maarifa yaliyokusudiwa kwa wanafunzi huku Mwalimu mkuu wa Shule ya Msingi Mjimpya Ndg. Beatus Selemani akisisitiza kuwa lengo la mafunzo hayo kwa walimu yawe ni kumsaidia mwanafunzi aweze kunufaika na mpango huo.

Programu  ya Mafunzo Endelevu ya Walimu Kazini (MEWAKA) ni Jumuiaya za ujifunzaji kwa waalimu katika ngazi ya Shule,Kata, Halmashauri,Mkoa na Taifa kwa lengo la kuboresha  ujifunzaji na ufundishaji .