MHE.DENDEGO AWATAKA WANAFUNZI KUWA NA NIDHAMU

Tarehe ya Kuwekwa: April 21st, 2024

Mkuu wa Mkoa wa Singida Mhe.Halima Dendego amewataka wanafunzi kuwa na nidhamu na  kusoma kwa bidii ili waweze kufaulu na kutimiza ndoto zao

Dendego ametoa kauli hiyo (tarehe 20 Aprili, 2024) katika ziara yake ya kikazi ya Siku Mbili katika Halmashauri ya wilaya ya Itigi wakati anakagua ujenzi wa nyumba ya mwalimu na kuzungumza na  wanafunzi katika Shule ya Sekondari ya Kitaraka

Mhe. Dendego ameagiza kukamatwa na kuchukuliwa hatua za kisheria kwa wanafunzi wa kike wanaopata mimba wakiwa shuleni kama hatua ya kukomesha tatizo hilo ambayo limeonekana kuwa ni kero kubwa katika maendeleo ya sekta elimu mkoani Singida

. Mkuu wa mkoa wa Singida amesema ili kukomesha tatizo hilo yeye ataanza kukamata kwanza msichana aliyepata mimba na baadaye mvulana ambaye atakuwa mtuhumiwa namba mbili kama hatua ya kukomesha vitendo vya mimba kwa wanafunzi.

Naye, Katibu Tawala wa mkoa wa Singida Dkt. Fatuma Mganga amewasisitiza wanafunzi kusoma kwa bidii na kuwa mfano kwa wazazi na jamii nzima na kuachana na mambo yanaenda kinyume cha maadili ya Kitanzania.

Fatuma Mganga, amesema kuwa kama wanafunzi watasoma kwa bidii hadi Vyuo Vikuu watakuwa na faida kubwa sio tu kwa familia zao bali kwa jamii nzima na Taifa kwa ujumla kwa sababu Serikali imeboresha mazingira ya kujifunzia na kufundishiaa halmashauri ya Wilaya ya Itigi