Miraji Mtaturu-Ulinzi na usalama ni jukumu letu sote

Posted on: July 13th, 2018

Kaimu Mkuu wa Wilaya ya Manyoni ameyasema hayo wakati wa ufunguzi wa mafunzo ya Jeshi la Akiba (mgambo) ambayo yanaendelea katika halmashauri ya Wilaya ya Itigi katika Kata ya Mitundu.

Mtaturu amesema kuwa kila mmoja anawajibu wa kuilinda amani iliyopo ivo basi jukumu la ulinzi na usalama ni letu sote.  Pia Mtaturu amewataka wanamafunzo hayo kuzingatia mafunzo hayo wanayopewa na wakufunzi wao . Hata ivyo Mtaturu amesema kuwa katika mafunzo haya ya ukakamavu nimetoa maelekezo kuwa mpate mafunzo ya Ujasiliamali ambayo yatawasidia katika kujikwamua kiuchumi

Nae Mkurugenzi Mtendaji wa Halmashauri ya Wilaya ya Itigi bwana Pius Luhende akimkaribisha mkuu wa Wilaya alimweleza kuwa Halmashauri imekuwa bega kwa bega kuhakikisha kuwa mafunzo haya yanafanyika na yanaleta matokeo yaliyokusudiwa. Hata hivyo Luhende amesema kuwa halmashauri ya Itigi katika kuendelea kuunga mkono mafunzo hayo itagharamikia sare za askari mgambo hao pamoja na kutoa vitambulisho vyao

Akisoma taarifa kwa Mkuu wa Wilaya  Mshauri wa mgambo Wilaya ya Manyoni  bwana Lala AS  amesema kuwa mpaka sasa wanamafunzo wapo 220 wakiwamo wanawake 21 kati  ya hao ambao kwa kipindi chote hicho watapata mafunzo mbalimbali yakiwemo mafunzo ya ukakamavu pamoja na mafunzo ya ujasiliamali