RAS MGANGA ATOA MAAGIZO

Posted on: May 12th, 2023

Katibu Tawala wa mkoa wa Singida Bi .Fatma Mganga amesema namna bora ya kumshukuru Rais wa Jamhuri ya Muungano wa Tanzania Mhe.Samia Suluhu Hassan kwa kuleta fedha nyingi kwa ajili ya utekelezaji wa miradi mbalimbali ya maendendeleo katika halmashauri ni kusimamia miradi hiyo kikamilifu ili iweze kukamilika kwa wakati na kwa viwango ili iweze kuleta tija kwa wananchi.

Akizungumza katika kikao cha robo ya tatu ya  baraza la Madiwani katika halmashauri ya Itigi RAS  amesema hakuna sababu ya miradi kushindwa kukamilika kwa wakati kwa kuwa serikali imetoa fedha za kutosha kukamilisha miradi hiyo.

Aidha ameishauri Kamati ya Fedha ,Uongozi na Mipango kuwa na Ajenda ya kupata na kujadili taarifa za miradi mbalimbali inayotekelezwa katika halmashauri kwa kila kikao ili kubaini ikiwa kuna changamoto na kuzitafutia majibu ili miradi hiyo iendelee na kukamilika kwa wakati.

Pia RAS Mganga ameitaka halmashauri kuongeza bidii katika ukusanyaji wa mapato ili kufikia lengo la asilimia 95 huku akisisitiza kuwa hali hiyo itasaidia halmashauri kujiendesha “ heshima ya halmashauri ni mapato”alisisitiza.

Katika hatua nyingine RAS ameitaka halmashauri kupitia kamati ya Elimu,Afya na Maji kuweka mikakati madhubuti kuhakikisha wanalima katika mashamba ya shule zao ili kuzalisha mazao yatakayo wawezesha kupata chakula chakula

Naye Mkuu wa Wilaya ya Manyoni Mhe. Kemilembe Lwota  ameipongeza halmashauri ya Itigi kwa kubuni na kuanzisha vyanzo vipya mapato ikiwa ni pamoja na ujenzi wa Maegesho ya malori katika mji wa Itigi pamoja na stendi ya magari katika Kta ya Mitundu.

Pia amewakumbusha wajumbe kuanza kujiandaa kwa ajili ya mapokezi ya Mbio za mwenge wa Uhuru mnamo mwezi septemba ikiwa ni pamoja na kuhakikisha miradi yote ambayo mbio za mwenge zitapita kukagua inakamilika kwa wakati.

Kwa upande wake Mwenyekiti wa Halmashauri ya Itigi Mhe. Hussein Simba ameishukuru serikali inayoongozwa na Mhe,Dkt.Samia Suluhu Hassani kwa kuendelea kuipatia halmashauri hiyo fedha nyigi kwa ajili ya utekelezaji wa miradi mbalimbali ikiwa ni pamoja na mradi mkubwa wa Hospitali ya wilaya ,miundombinu ya barabara kwa kiwango cha lami,miradi ya maji na hata elimu.

Mwisho;