SERUKAMBA APONGEZA ITIGI KWA UTELEZAJI WA MIRADI YA MAENDELEO

Posted on: June 23rd, 2023

Mkuu wa Mkoa wa Singida Mhe Peter Serukamba ameipongeza halmashauri ya wilaya ya Itigi kwa utekeleazaji wa miradi mbalimbali ya maendeleo hali ambayo imesababisha Mkaguzi na mdhibiti wa hesabu za serikali CAG kuwasilisha hoja chache ambazo pia zinafanyiwa kazi kwa kadri ya maelekzo yaliyotolewa na kamati mbalimbali na uongozi

Akizungumza leo june 22-2023 katika mkutano wa Baraza Maalum la Madiwani  wa Halmashauri ya Wilaya ya Itigi liliketi kujadili taarifa ya utekelezaji wa hoja za CAG kwa mwaka 2021/2022, Mhe Serukamba amesema ameridhishwa na namna halmashauri ya itigi ilivyofanyia kazi hoja, maoni na maelekezo mbalimbali ya serikali na wakaguzi.

“Nikupongeze Mkurugezi , Halmashauri yako ni ya pili kufunga hoja kwa Mkoa wa Singida , mmefanya kazi nzuri, endeleeni kufuata, sheria , kanuni na taratibu zilizopo katika kutekeleza majukumu yenu, ni Imani yangu mwaka wa fedha ujao, ripoti ikija mtakuwa na hoja chache za kujibu  na hiyo ndio kipimo cha ufanisi wenu “ Amesisitiza  Mhe Serukamba.

Aidha amewataka madiwani kusimamia ukusanyaji wa mapato ndani katika vyanzo mbalimbali vilivyopo ili kuongeza kasi katika kutekeleza miradi inayotekelezwa kwa fedha za ndani.

Kwa upande wake Mkuu wa Wilaya ya Manyoni Mhe Kemirembe Lwota amewashukuru watumishi wa halmashauri kwa ushirikiano na uwajibikaji wao katika kusimamia  utekelzwaji wa miradi  mbalimbali inayoendelea  katika halmashuri yao.

Hata hivyo Mhe Lwota amemuhakikishia Mkuu wa Mkoa , ataendelea kusimamia maelekezo aliyoyatoa ikiwemo ukamilishaji wa miradi ambayo ipo katika hatua za mwisho za umaliziaji ili iweze kutumika kwa ustawi wa wananchi na kuongeza makusanyo ya fedha kwa serikali.

Awali akifungua Mkutano huo Mwenyekiti wa baraza la madiwani Mhe Hussein Simba amesema madiwani wa halmshauri yake wanaushirikiano mkubwa katika kusimamia na kufuatilia utekelezaji wa mkioradi mbalimbali