SERUKAMBA KUTATUA MGOGORO ENEO LA MALISHO

Posted on: May 12th, 2023

Mkuu wa mkoa wa Singida Peter Serukamba amepiga marufuku wakulima kuvamia eneo lililotengwa kwa ajili ya malisho ya mifugo na kufanya shughuli zao za kilimo.

Akizunguma  katika kikao cha hadhara  kwa lengo la kusikiliza kero za wananchi wa halmashauri hiyo  Serukamba ametoa onyo kwa wakulima kuvamia eneo hilo kwa kusudi la kuendesha shughuli za kilimo jambo ambalo linasababisha migogoro baina ya wakuklima na wafugaji.

Mkuu wa Mkoa huyo amesema atafanya ziara kutembelea eneo hilo akiambatana na wataalam mbalimbali wakiwemo maafisa ardhi  ili kufanya mchakato wa kulirasimisha eneo hilo kwa kufanya upimaji,kulipatia hati na kulipa jina na kusisitiza kuwa serikali imeagiza kila Kijiji kitenge eneo kwa ajili ya malisho ya mifugo” hakuna namna yoyote tunaweza kuwatenga wafugaji” alisisitiza

Awali akizungumzia mgogoro huo Mwenyekiti wa chama cha wafugaji halmashauri ya Itigi amesema kumekuwa na uvamizi wa mara kwa mara wa wakulima katika eneo lililotengwa katika vijiji vya Doroto,Damwelu na Itigi Mjini kwa ajili ya malisho licha ya jitihada mbalimbali za kutatua ya migongano baina ya pande hizo mbili.

Katika mkutanao huo pamoja na mambo mengine changamoto zilizoibuka ni pamoja migogoro ya ardhi,maliipo kwa ajili ya kaya maskini(TASAF) na kukosekana kwa huduma za afya kwa wenye bima za afya