TATIZO LA UMEME ITIGI LAPATA MWAROBAINI

Posted on: September 13th, 2017

MKUTANO  WA  WANANCHI  WA  ITIGI NA  MHE. NAIBU WAZIRI WA NISHATI NA MADINI  DKT.MEDARD KALEMANI.

Naibu Waziri wa Nishati na Madini  Dkt Medard Kalemani amemtaka Meneja  wa Tanesco wa Wilaya ya Manyoni ndugu Patrick  Mtukananje Kurejesha huduma ya umeme kwa  Wananchi  wa Itigi ambao wamekatiwa kimakosa yaliyokuwa yamesababishwa  na wafanyakazi  wa shirika la Tanesco katika Halmashauri ya Itigi.

Naibu   Waziri  wa nishati na madini  Dkt Medard  Kalemani  amemtaka Meneja  wa Tanesco kanda na Meneja  wa Tanesco Mkoa wa Singida kuhakikisha  vishoka  wote wa ndani ya Tanesco na nje ya Tanesco   waliohusika  katika kuwaunganishia Wananchi  umeme  kinyume na utaratibu wachunguzwe mara moja na majibu yake yapatikane kesho  Tarehe  14/09/2017

Agizo  hilo limekuja  baada yaWananchi  kulalamika kwa Mhe. Mbunge ndugu Yahaya Masare  kuwa wanakatiwa umeme ambao wamefanya malipo halali. Hata hivyo Mhe Mbunge alimweleza  Mhe Naibu Waziri kuwa Wananchi wa Itigi ni waaminifu sana kwa kuwa hawana tabia ya kuhujumu mali za shirika hilo  “alisema Wananchi hawa Mhe. Naibu Waziri  hajawahi kuiba nguzo za umeme, hawajahi kuiba hata kipande cha waya wa umeme sasa iweje leo Wananchi hawa waaminifu ambao wamekuwa  wakifuata taratibu zote za ulipaji wa bill za umeme leo wanaonekana ni wezi. Wakati  nguzo za umeme hawana uwezo wa kuzipata , luku vile vile hawana uwezo wa kuipata binafsi, sasa leo unapowaambia ni wezi wa Umeme inakuaje’’

Awali Mkurugenzi Mtendaji wa Halmashauri ya Itigi   ndugu  Pius  Shija Luhende  alimweleza Mhe Naibu Waziri kuwa Wananchi wa Itigi wameonewa  sana na Meneja  wa  Tanesco aliyekuwa anasimamia ofisi ndogo ya Tanesco  Itigi kwa kuwafungia Wananchi umeme kinyume na taratibu.

Katika kuhitimisha Mkutano huo Mhe  diwani  Hussein Simba  alimweleza  Mhe. Naibu Waziri wa Nishati na Madini kuwa Halmashauri ya Itigi  Haina ofisi ya Tanesco hivo kupelekea  kutumia gharama kubwa kwenda Manyoni kwa ajili ya kupata huduma.