TUMIENI FURSA ZA MRADI WA RELI YA SGR KUINUA UCHUMI-Prof. Kahyarara Katibu Mkuu Uchukuzi

Tarehe ya Kuwekwa: May 15th, 2024

Katibu Mkuu Wizara ya Uchukuzi Profesa Godius Walter Kahyarara amewataka Wakazi wa Itigi Wilayani Manyoni Mkoani Singida kuwekeza katika Kilimo cha mazao ya chakula, Mbogamboga na Matunda na ufugaji wa kisasa kutokana na fursa ya mradi wa reli ya Mwendokasi ya kisasa (SGR) unaopita katika Mji wa Itigi kutoka Jijini Dar es Slaam Kuelekea Jijini Mwanza na nchi Jirani.

Prof Kahyarara amesema hayo Katika ziara yake ya kuzungumza na Viongozi wa Halmashauri ya Wilaya ya Itigi kueleza fursa za kiuchumi zinzazotokana na mradi huo akiwa ameambatana na Wataalam Kutoka Wizara ya Uchukuzi, Shirikia la Reli Tanzania (TRC), Chuo Kikuu Cha Sokoine Morogoro (SUA) na Tasisi ya TanChoice Limited

Aidha ,Prof Kahyarara amesema, Serikali inaagiza mabehewa ya mizigo  yakiwa na uwezo wa kutunza ubora wa bidhaa (cold rooms) na wanajenga maghala yenye uwezo wa kutunza bidhaa (Cold rooms)  katika bandari zitakzotumika kusafirisha mizgo kwenda katika masoko duniani kote   

Prof Kahyarara amemsisitiza Mkurugenzi Mtendaji wa Halmashauri ya Wilaya ya Itigi kuhamasisha wakulima na wafugaji kuwekeza kisasa na kupata mazao mengi ambayo watauza katika masoko ya kimataifa kwakuwa reli itakuwa ni usafiri wa uhakika , haraka na utatunza na kusafirisha bidhaa kwa ubora uleule

Kwa upande wake Kaimu Mkurugenzi wa Uendeshaji wa Huduma  wa shirika la Reli Tanzania (TRC) Focus Makoye Sahani amesema Reli hiyo inatarajiwa kusafirisha mizigo mpaka tani 10,000 kwa mkupuo sawa na uwezo wa maroli 500 ya mizigo na inatarajiwa kutembea kwa spidi ya KM 120 kwa saa.

Aidha Sahan alisema kukamilka kwa reli hiyo kutachochea maendeleo katika sekta ya kilimo, biashara, madini na viwanda hususani katika maeneo ambapo reli hiyo inapita na kwa nchi jirani hasa Rwanda, Burundi, Uganda, Kenya na Kongo DRC

Kwa upande wake Mkurugenzi Mtendaji wa Halmashauri ya Wilaya ya Itigi Ayoub Kambi alisema, Halmashauri kupitia wataalam wa Kilimo , Mifugo , biashara na ardhi wameanza kutoa elimu kwa wananchi  ili waweze kuwekeza katika mazao ya kimkakati kwa kuzingatia mahitaji ya soko

Hata hvyo Kambi, alimuelesza Katibu Mkuu kuwa kuna eneo lenye ukubwa wa hekta elfu 45 la Tanganyika Peckers katika kata ya Kiataraka ambalo lina mgogoro wa uvamizi wa wananchi ambalo linauwezo wa kuchangia uwekezaji wa mifugo na kilimo.

Hata hivyo, Kambi alisema,  jitihada za kutatua mgogoro huo zinaendelea kwa kushirikisha wananchi, Wizara ya Mifugo na Idara mbalimbali za Serikali kufikia suluhu ya mgogoro huo ili eneo hilo lianze kutumika kwa uwekezaji..