TUNZENI MAZINGIRA-RC SERUKAMBA

Posted on: June 23rd, 2023

Mkuu wa Mkoa wa Singida Mhe Peter Serukamba amewataka watumishi wa halmashauri ya wilaya ya Itigi kuhamasisha na kusimamia usafi wa mazingira  katika miji mbalimbali kwa ustawi wa viumbe hai.

Akizungumza katika Baraza Maalum la Madiwani  wa Halmashauri ya Wilaya ya Itigi lililoketi kujadili taarifa ya utekelezaji wa hoja za CAG kwa mwaka 2021/2022, Mhe Serukamba amesema divisheni ya mazingira kwa kushirikian na vitengo vingine inapaswa kuhakikisha mazingira yanakuwa safi kwa kipindi chote cha mwaka.

“Niwaombe ndugu zangu wana itigi , hakikisheni mnasimamia usafi wa mazingira  hususani katika miji yetu mikubwa ya Itigi mjini na mitundu , mazingira ni uhai, tekelezeni wajibu wenu, wekeni sheria ndogondogo za kusimamia usafi, zisimamieni ili tuweze kutunza mazingira yetu,” amesisistiza Mhe. Serukamba.

Aidha Mhe. Serukamba amesema baada ya wiki ya mazingira kupita ni vema miji ikaendelea kusafishwa na kulindwa kwa kuwa mji wa itigi unaendelea kukuwa na kupokea wageni kila wakati hivyo ni vyema miji ikiwa misafi kuvutia watalii na wawekezaji.

Kwa upande wake Afisa Mazingira wa halmashauri Nonhy Kigoda amesema kama divisheni ya mazingira ya halmashauri wamepokea maelekezo ya mkuu wa mkoa ambapo wanaanza kufanyia kazi mara moja.