UTAWALA DAY

Tarehe ya Kuwekwa: December 6th, 2022

Maafisa watendaji wa Kata na vijiji katika halmashauri ya Wilaya ya Itigi wamesema wanakabiliwa na changamoto ya majengo ya ofisi pamoja na usafiri hali inayopelekea kushindwa kutimiza majukumu yao kwa ufanisi.

Akisoma risala mbele ya mgeni rasmiambaye ni  Mwenyekiti wa halmashauri ya Itigi Mh. Hussein Simba,Afisa mtendaji wa Kata ya  Itigi Mjini Bw.Saimoni Sirilo amesema kuwa kuna Kata na Vijiji vingi katika halmashauri bado havina ofisi za kudumu pamoja na usafiri ili kurahisisha shughuli za kiutawala katika maeneo yao.

Akitolea ufafanuzi,Mwenyekiti wa halmashauri ya Itigi Mh. Hussein Simba amesema mahitaji yalioainishwa katika risala hiyo ofisi yake imeyapokea na kuahidi kuyafanyia kazi pamoja na  akiwapongeza kwa kusimamia kwa vizuri zoezi la postikodi,sense ya watu na makazi na usimamizi wa miradi na kuongeza kuwa kuanzishwa kwa SIKU YA UTAWALA DAY ni jambo jema kwani inafungua mlango kwa watumishi hao kuwa na sehemu maalumu ya kuelezea mambo mbalimbali wanayo kabili.

Kwa upande wake Mkuu wa Divisheni ya  Kilimo,Umwagiliajina na Ushirika  Ndg.Mkinguzi Mgalula kwa niaba ya Mkurugenzi Mtendaji  wa halmashauri hiyo Bw. John Mgalula amesisitika kuwa ofisi ya Mkurugenzi inatambua umuhimu wa watendaji wote wa Kata na Vijiji kwa kuwa ndio wasimamizi na watekelezaji wakuu wa maagizo ya serikali katika maeneo yao.

Nae Mkuuwa Divisheni ya Utumishi Bi. Joyce Masoga ameelezea dhima ya siku hiyo maalumu ya Utawala ni kubadilishana mawazo itayoenda sambamba na kuwapongeza watumishi wa umma watakaokuwa wanastaafu huku Diwani wa Kata ya Itigi Mjini Mh. Ali Minja ameshauri kuwepo na semina ya kuwajengea uwezo watendaji ikiwa ni sehemu ya sherehe ya UTAWALA DAY.