VIONGOZI SEKTA YA ELIMU H'W ITIGI WAPIGWA MSASA

Posted on: September 28th, 2022

Viongozi wa Elimu katika halmashauri ya Wilaya ya Itigi  wamepatiwa mafunzo yenye lengo la  kujengeana  uwezo wa Kuwezesha  Mafunzo Endelevu ya walimu kazini ili  kuleta matokeo chanya ya ujifunzaji kupitia Mradi wa Elimu Bora.

Mafunzo hayo yametolewa na Mwezeshaji kutoka Wizara ya Elimu Bwana Tresphory Kasabaro katika ukumbi wa Ofisi ya Mkurugenzi wa Halmashauri hiyo ambapo kwa awamu ya kwanza  yakihusisha  Maafisa  Taaluma Msingi, Maafisa elimu Kata na Wathibiti Ubora wa Shule.

Kasabaro amesema kuwa  viongozi wa Elimu katika halmashauri ya Itigi wanawajibu wa kuhakikisha Mradi wa SHULE BORA unaleta matokeo chanya  kufuatia programu ya  Mafunzo Endelevu  kwa Walimu Kazini(MEWAKA)

Awali akitoa Malengo ya MEWAKA mwezeshaji Bwana Dickson Msangia amesisitiza kuwa ni muhimu sana kwa waalimu kuzingatia Ujifunzaji shirikishi na Jumuishi ili kuleta ufanisi katika tendo zima la ujifunzaji kwa wanafunzi.

Halmashauri ya Wilaya ya Itigi ni miongoni mwa halmashauri zinazitekeleza Mradi wa ELIMU BORA wenye lengo la kuinua ubora wa elimu nchini .