Wakulima wa zao la dengu katika halmashauri ya Wilaya ya Itigi watakiwa kuunda ushirika

Tarehe ya Kuwekwa: October 19th, 2018

Mwenyekiti wa halmashauri ya wilaya ya Itigi Mh Ally J Minja Amewataka wakulima wa zao la Dengu kuunda ushirika wa zao la Dengu. Minja ameyasema hayo kwenye baraza la Madiwani la halmashauri ya Wilaya ya Itigi la kumaliza robo ya kwanza kwa mwaka 2018-2019

Wakulima hao wametakiwa kujiunga kwenye vyama vya ushirika ili wawe na bei ya uuzaji wa pamoja wa zao hilo la dengu kuliko hivi sasa wanavyonyonywa na matajiri wachache kwa dengu yao kununuliwa shambani na wakati mwingine kununuliwa kwa bei isiyoridhisha

Naye Mkurugenzi mtendaji wa Halmashauri ya Itigi mkoani Singida Pius Luhende ameendeleza kusisitiza uundwaji wa vikundi vya ushirika hususani wa zao la dengu ambalo ndio zao kubwa la biashara linalolimwa na wakazi wa halmashauri hiyo, kwani kufanya hivyo itaongeza thamani yake ikiwa ni pamoja na kupata pembejeo, masoko na mashine ya kubangua zao hilo kama ilivyo kilio cha wakulima wa zao hilo.

Luhende ameeleza hayo katika kikao cha robo ya kwanza cha baraza la madiwani wa Halmashauri ya Itigi, kilichoketi kujadili masuala kadha ya maendeleo, ambapo akijibu swali la John Subeti diwani wa kata ya Kitaraka wakati kipindi cha maswali ya papo kwa papo kutaka kujua hatima ya serikali juu ya wakulima wa zao hilo.

Waheshimiwa madiwani wa halmshauri ya Wilaya ya Itigi wakiwa  kwenye baraza la Madiwani la Halamshauri ya Wilaya ya Itigi

Mh Mbunge wa manyoni Magharibi mh Yahaya Masare wa kwanza kushoto akifuatilia mkutano wa baraza

Mkurugenzi Mtendaji wa Halamshauri ya Wilaya ya Itigi  ndugu Pius shija Luhende akifafanua Jambo kwenye Mkutano wa baraza la madiwani